Bhajan (भजन) अवधी • Awadhi
मोकहँ झूठेहु दोष लगावहिं।मैया! इन्हहि बानि परगृह की, नाना जुगुति बनावहिं ॥इन्हके लिये खेलिबो छाँड़्यौ तउ न उबरन पावहिं।भाजन फोरि, बोरि कर गोरस देन उरहनो आवहिं ॥कबहुँक बाल रोवाइ पानि गहि, मिस करि उठि उठि धावहिं।करहिं आपु सिर धरहिं आन के बचन बिरंचि हरावहिं ॥मेरी टेव बूझि हलधर को संतत संग खेलावहिं।जे अन्याउ करहि काहूको ते सिसु मोहि न भावहिं ॥सुनि सुनि बचन-चातुरी ग्वालिनि हँसि हँसि बदन दरु ावहिं।बाल गोपाल केलि-कल-कीरति तुलसीदास मुनि गावहिं॥4॥