दोहावली

राम बाम दिसि जानकी लखन दाहिनी ओर। ध्यान सकल कल्यानमय सुरतरु तुलसी तोर ॥

सीता लखन समेत प्रभु सोहत तुलसीदास। हरषत सुर बरषत सुमन सगुन सुमंगल बास ॥

पंचबटी बट बिटप तर सीता लखन समेत। सोहत तुलसीदास प्रभु सकल सुमंगल देत ॥

चित्रकूट सब दिन बसत प्रभु सिय लखन समेत। राम नाम जप जापकहि तुलसी अभिमत देत ॥

पय अहार फल खाइ जपु राम नाम षट मास। सकल सुमंगल सिद्धि सब करतल तुलसीदास ॥

राम नाम मनीदीप धरु जीह देहरी द्वार। तुलसी भीतर बाहरेहुँ जौं चाहसि उजियार ॥

हियँनिर्गुन नयनन्हि सगुन रसना राम सुनाम। मनहुँ पुरट संपुट लसत तुलसी ललित ललाम ॥

सगुन ध्यान रुचि सरस नहिं निर्गुन मन ते दूरि। तुलसी सुमिरहु रामको नाम सजीवन मूरि ॥

एकु छत्रु एकु मुकुटमनि सब बरननि पर जोउ। तुलसी रघुबर नाम के बरन बिराजत दोउ ॥

नाम राम को अंक है सब साधन हैं सून। अंक गएँ कछु हाथ नहिं अंक रहें दस गून ॥

नामु राम को कलपतरु कलि कल्यान निवासु। जो सुमिरत भयो भाँग तें तुलसी तुलसीदासु ॥

राम नाम जपि जीहँजन भए सुकृत सुखसालि। तुलसी इहाँजो आलसी गयो आजु की कालि ॥

नाम गरीबनिवाज को राज देत जन जानि। तुलसी मन परिहरत नहिं घुर बिनिआ की बानि ॥

कासीं बिधि बसि तनु तजें हठि तनु तजें प्रयाग। तुलसी जो फल सो सुलभ राम नाम अनुराग ॥

मीठो अरु कठवति भरो रौंताई अरु छैम। स्वारथ परमारथ सुलभ राम नाम के प्रेम ॥

राम नाम सुमिरत सुजस भाजन भए कुजाति। कुतरुक सुरपुर राजमग लहत भुवन बिख्याति ॥

स्वारथ सुख सपनेहुँ अगम परमारथ न प्रबेस। राम नाम सुमिरत मिटहिं तुलसी कठिन कलेस ॥

मोर मोर सब कहँकहसि तू को कहु निज नाम। कै चुप साधहि सुनि समुझि कै तुलसी जपु राम ॥

हम लखि लखहि हमार लखि हम हमार के बीच। तुलसी अलखहि का लखहि राम नाम जप नीच ॥

राम नाम अवलंब बिनु परमारथ की आस। बरषत बारिद बूँद गहि चाहत चढ़न अकास ॥

तुलसी हठि हठि कहत नित चित सुनि हित करि मानि। लाभ राम सुमिरन बड़ो बड़ी बिसारें हानि ॥

बिगरी जनम अनेक की सुधरै अबहीं आजु। होहि राम को नाम जपु तुलसी तजि कुसमाजु ॥

प्रीति प्रतीति सुरीति सों राम राम जपु राम। तुलसी तेरो है भलो आदि मध्य परिनाम ॥

दंपति रस रसना दसन परिजन बदन सुगेह। तुलसी हर हित बरन सिसु संपति सहज सनेह ॥

बरषा रितु रघुपति भगति तुलसी सालि सुदास। रामनाम बर बरन जुग सावन भादव मास ॥

राम नाम नर केसरी कनककसिपु कलिकाल। जापक जन प्रहलाद जिमि पालिहि दलि सुरसाल ॥

राम नाम कलि कामतरु राम भगति सुरधेनु। सकल सुमंगल मूल जग गुरुपद पंकर रेनु ॥

राम नाम कलि कामतरु सकल सुमंगल कंद। सुमिरत करतल सिद्धि सब पग पग परमानंद ॥

जथा भूमि सब बीजमय नखत निवास अकास। राम नाम सब धरममय जानत तुलसीदास ॥

सकल कामना हीन जे राम भगति रस लीन। नाम सुप्रेम पियूष हृद तिन्हहुँ किए मन मीन ॥

ब्रह्म राम तें नामु बड़ बर दायक बर दानि। राम चरित सत कोटि महँलिय महेस जियँजानि ॥

सबरी गीध सुसेवकनि सुगति दीन्हि रघुनाथ। नाम उधारे अमित खल बेद बिदित गुन गाथ ॥

राम नाम पर नाम तें प्रीति प्रतीति भरोस। सो तुलसी सुमिरत सकल सगुन सुमंगल कोस ॥

लंक बिभीषन राज कपि पति मारुति खग मीच। लही राम सों नाम रति चाहत तुलसी नीच ॥

हरन अमंगल अघ अखिल करन सकल कल्यान। रामनाम नित कहत हर गावत बेद पुरान ॥

तुलसी प्रीति प्रतीति सों राम नाम जप जाग। किएँ होइ बिधि दाहिनो देइ अभागेहि भाग ॥

जल थल नभ गति अमित अति अग जग जीव अनेक। तुलसी तो से दीन कहँराम नाम गति एक ॥

राम भरोसो राम बल राम नाम बिस्वास। सुमिरत सुभ मंगल कुसल माँगत तुलसीदास ॥

राम नाम रति राम गति राम नाम बिस्वास। सुमिरत सुभ मंगल कुसल दुहुँ दिसि तुलसीदास ॥

रसना साँपिनि बदन बिल जे न जपहिं हरिनाम। तुलसी प्रेम न राम सों ताहि बिधाता बाम ॥

हिय फाटहुँ फूटहुँ नयन जरउ सो तन केहि काम। द्रवहिं स्त्रवहिं पुलकइ नहीं तुलसी सुमिरत राम ॥

रामहि सुमिरत रन भिरत देत परत गुरु पाँय। तुलसी जिन्हहि न पुलक तनु ते जग जीवत जायँ॥

हृदय सो कुलिस समान जो न द्रवइ हरिगुन सुनत। कर न राम गुन गान जीह सो दादुर जीह सम ॥

स्त्रवै न सलिल सनेहु तुलसी सुनि रघुबीर जस। ते नयना जनि देहु राम करहु बरु आँधरो ॥

रहैं न जल भरि पूरि राम सुजस सुनि रावरो। तिन आँखिन में धूरि भरि भरि मूठी मेलिये ॥

बारक सुमिरत तोहि होहि तिन्हहि सम्मुख सुखद। क्यों न सँभारहि मोहि दया सिंधु दसरत्थ के ॥

साहिब होत सरोष सेवक को अपराध सुनि। अपने देखे दोष सपनेहु राम न उर धरे ॥

तुलसी रामहि आपु तें सेवक की रुचि मीठि। सीतापति से साहिबहि कैसे दीजै पीठि ॥

तुलसी जाके होयगी अंतर बाहिर दीठि। सो कि कृपालुहि देइगो केवटपालहि पीठि ॥

प्रभु तरु तर कपि डार पर ते किए आपु समान। तुलसी कहूँ न राम से साहिब सील निधान ॥

रे मन सब सों निरस ह्वै सरस राम सों होहि। भलो सिखावन देत है निसि दिन तुलसी तोहि ॥

हरे चरहिं तापहि बरे फरें पसारहिं हाथ। तुलसी स्वारथ मीत सब परमारथ रघुनाथ ॥

स्वारथ सीता राम सों परमारथ सिय राम। तुलसी तेरो दूसरे द्वार कहा कहु काम ॥

स्वारथ परमारथ सकल सुलभ एक ही ओर। द्वार दूसरे दीनता उचित न तुलसी तोर ॥

तुलसी स्वारथ राम हित परमारथ रघुबीर। सेवक जाके लखनसे पवनपूत रनधीर॥

ज्यों जगबैरी मीन को आपु सहित बिनु बारि। त्योंतुलसी रघुबीर बिनु गति आपनी बिचारि॥

रामप्रेम बिनु दूबरो रामप्रेमहीं पीन। रघुबर कबहुँक करहुगेतुलसिहि ज्यों जल मीन॥

राम सनेही राम गति राम चरन रति जाहि। तुलसी फल जग जनम को दियो बिधाता ताहि॥

आपु आपनेतें अधिकजेहि प्रिय सीताराम। तेहिके पग की पानहींतुलसी तनु को चाम॥

स्वारथ परमारथ रहित सीता राम सनेहँ। तुलसी सो फल चारि को फल हमार मत एहँ॥

जे जन रूखे बिषय रस चिकने राम सनेहँ। तुलसी ते प्रिय राम को कानन बसहि कि गेहँ॥

जथा लाभसंतोषसुख रघुबर चरन सनेह। तुलसी जो मनखूँद सम कानन बसहुँ किगेह॥

तुलसी जौंपै राम सों नाहिन सहज सनेह। मूँड़मुड़ायो बादिहीं भाँड़ भयो तजिगेह॥

तुलसी श्रीरघुबीर तजि करै भरोसो और। सुख संपति की का चली नरकहुँ नाहीं ठौर ॥

तुलसी परिहरि हरि हरहि पाँवरपूजहिंभूत। अंत फजीहत होहिंगे गनिकाकेसेपूत॥

सेये सीता राम नहिं भजेनसंकर गौरि। जनम गँवायो बादिहीं परत पराई पौरि॥

तुलसी हरि अपमानतें होइ अकाज समाज। राज करत रज मिलि गए सदल सकुलकुरुराज॥

तुलसी रामहि परिहरें निपट हानिसुन ओझ। सुरसरि गत सोई सलिलसुरा सरिसगंगोझ॥

राम दूरि माया बढ़ति घटति जानि मन माँह। भूरि होति रबि दूरि लखि सिर पर पगतर छाँह ॥

साहिब सीतानाथ सों जब घटिहै अनुराग। तुलसी तबहीं भालतें भभरि भागिहैं भाग ॥

करिहौ कोसलनाथ तजि जबहिं दूसरी आस। जहाँतहाँदुख पाइहौं तबहीं तुलसीदास ॥

बिंधि न ईंधन पाइऐ सागर जुरै न नीर। परै उपास कुबेर घर जो बिपच्छ रघुबीरो ॥

बरसा को गोबर भयो को चहै को करै प्रीति। तुलसी तू अनुभवहि अब राम बिमुख की रीति ॥

सबहिं समरथहि सुखद प्रिय अच्छम प्रिय हितकारि। कबहुँ न काहुहि राम प्रिय तुलसी कहा बिचारि ॥

तुलसी उद्यम करम जुग जब जेहि राम सुडीठि। होइ सुफल सोइ ताहि सब सनमुख प्रभु तन पीठि ॥

राम कामतरु परिहरत सेवत कलि तरु ठूँठ। स्वारथ परमारथ चहत सकल मनोरथ झूँठ ॥

निज दूषन गुन राम के समुझें तुलसीदास। होइ भलो कलिकाल हूँ उभय लोक अनयास ॥

कै तोहि लागहिं राम प्रिय कै तू प्रभु प्रिय होहि। दुइ में रुचै जो सुगम सो कीबे तुलसी तोहि ॥

तुलसी दुइ महँएक ही खेल छाँड़ि छल खेलु। कै करु ममता राम सों के ममता परहेलु ॥

निगम अगम साहेब सुगम राम साँचिली चाह। अंबु असन अवलोकिअत सुलभ सबै जग माँह ॥

सनमुख आवत पथिक ज्यों दिएँ दाहिनो बाम। तैसोइ होत सु आप को त्यों ही तुलसी राम ॥

राम प्रेम पथ पेखिऐ दिएँ बिषय तन पीठि। तुलसी केंचुरि परिहरें होत साँपहू दीठि ॥

तुलसी जौ लौं बिषय की मुधा माधुरी मीठि। तौ लौं सुधा सहस्र सम राम भगति सुठि सीठि ॥

जैसो तैसो रावरो केवल कोसलपाल। तौ तुलसी को है भलो तिहूँ लोक तिहुँ काल ॥

है तुलसी कें एक गुन अवगुन निधि कहैं लोग। भलो भरोसो रावरो राम रीझिबे जोग ॥

प्रीति राम सों नीति पथ चलिय राग रिस जीति। तुलसी संतन के मते इहै भगति की रीति ॥

सत्य बचन मानस बिमल कपट रहित करतूति। तुलसी रघुबर सेवकहि सकै न कलिजुग धूति ॥

तुलसी सुखी जो राम सों दुखी सो निज करतूति। करम बचन मन ठीक जेहि तेहि न सकै कलि धूति ॥

नातो नाते राम कें राम सनेहँ सनेहु। तुलसी माँगत जोरि कर जनम जनम सिव देहु ॥

सब साधनको एक फल जेहिं जान्यो सो जान। ज्यों त्यों मन मंदिर बसहिं राम धरें धनु बान ॥

जौं जगदीस तौ अति भलो जौं महीस तौ भाग। तुलसी चाहत जनम भरि राम चरन अनुराग ॥

परौ नरक फल चारि सिसु मीच डाकिनी खाउ। तुलसी राम सनेह को जो फल सो जरि जाउ ॥

हित सों हित, रति राम सों, रिपु सों बैर बिहाउ। उदासीन सब सों सरल तुलसी सहज सुभाउ ॥

तुलसी ममता राम सों समता सब संसार। राग न रोष न दोष दुख दास भए भव पार ॥

रामहि डरु करु राम सों ममता प्रीति प्रतीति। तुलसी निरुपधि राम को भएँ हारेहूँ जीति ॥

तुलसी राम कृपालु सों कहि सुनाउ गुन दोष। होय दूबरी दीनता परम पीन संतोष ॥

सुमिरन सेवा राम सों साहब सों पहिचानि। ऐसेहु लाभ न ललक जो तुलसी नित हित हानि ॥

जानें जानन जोइऐ बिनु जाने को जान। तुलसी यह सुनि समुझि हियँआनु धरें धनु बान ॥

करमठ कठमलिया कहैं ग्यानी ग्यान बिहीन। तुलसी त्रिपथ बिहाइ गो राम दुआरें दीन ॥

बाधक सब सब के भए साधक भए न कोइ। तुलसी राम कृपालु तें भलो होइ सो होइ ॥

संकर प्रिय मम द्रोही सिव द्रोही मम दास। ते नर करहिं कलप भरि घोर नरक महुँ बास ॥

बिलग बिलग सुख संग दुख जनम मरन सोइ रीति। रहिअत राखे राम कें गए ते उचित अनीति ॥

जाँय कहब करतूति बिनु जायँजोग बिन छेम। तुलसी जायँउपाय सब बिना राम पद प्रेम ॥

लोग मगन सब जोगहीं जोग जाँय बिनु छेम। त्यों तुलसीके भावगत राम प्रेम बिनु नेम ॥

राम निकाई रावरी है सबही को नीक। जौं यह साँची है सदा तौ नीको तुलसीक ॥

तुलसी राम जो आदर्यो खोटो खरो खरोइ। दीपक काजर सिर धर्यो धर्यो सुधर्यो धरोइ ॥

तनु बिचित्र कायर बचन अहि अहार मन घोर। तुलसी हरि भए पच्छधर ताते कह सब मोर ॥

लहइनफूटी कौंड़िहू को चाहैकेहि काज। सोतुलसी महँगो कियो राम गरीब निवाज॥

घर घर माँगेटूकपुनिभूपतिपूजे पाय। जेतुलसी तब राम बिनुते अब राम सहाय॥

तुलसी रामसुदीठितें निबल होत बलवान। बैर बालिसुग्रीवकें कहा कियो हनुमान॥

तुलसी रामहुतें अधिक राम भगत जियँजान। रिनिया राजा रामभे धनिक भए हनुमान॥

कियोसुसेवक धरम कपि प्रभुकृतग्य जियँजानि। जोरि हाथ ठाढ़े भए बरदायक बरदानि॥

भगतहेतु भगवान प्रभु राम धरेउ तनुभूप। किए चरित पावन परम प्राकृत नर अनुरुप॥

ग्यान गिरा गोतीत अज माया मनगुन पार। सोइ सच्चिदानंदघन कर नर चरित उदार॥

हिरन्याच्छ भ्राता सहित मधुकैटभ बलवान। जेहिं मारे सोइ अवतरेउकृपासिंधु भगवान॥

सुद्ध सच्चिदानंदमयकंद भानुकुलकेतु। चरित करत नर अनुहरतसंसृति सागरसेतु॥

बाल बिभूषन बसन बरधूरिधूसरितअंग। बालकेलि रघुबर करत बालबंधु सबसंग॥

अनुदिन अवध बधावने नित नवमंगल मोद। मुदित मातु पितु लोग लखि रघुबर बाल बिनोद॥

राज अजिर राजत रुचिर कोसलपालक बाल। जानु पानि चर चरित बर सगुनसुमंगल माल॥

नाम ललित लीला ललित ललित रूप रघुनाथ। ललित बसनभूषन ललित ललित अनुज सिसु साथ॥

राम भरत लछिमन ललित सत्रु समनसुभ नाम। सुमिरत दसरथसुवन सबपूजहिं सब मन काम॥

बालक कोसलपाल के सेवकपाल कृपाल। तुलसी मन मानस बसत मंगल मंजु मराल ॥

भगत भूमि भूसुर सुरभि सुर हित लागि कृपाल। करत चरित धरि मनुज तनु सुनत मिटहिं जगजाल ॥

निज इच्छा प्रभु अवतरइ सुर महि गो द्विज लागि। सगुन उपासक संग तहँरहहिं मोच्छ सब त्यागि ॥

परमानंद कृपायतन मन परिपूरन काम। प्रेम भगति अनपायनी देहु हमहि श्रीराम ॥

बारि मथें घृत होइ बरु सिकता ते बरु तेल। बिनु हरि भजन न भव तरिअ यह सिद्धांत अपेल ॥

हरि माया कृत दोष गुन बिनु हरि भजन न जाहिं। भजिअ राम सब काम तजि अस बिचारि मन माहिं ॥

जो चेतन कहँजड़ करइ जड़हि करइ चैतन्य। अस समर्थ रघुनायकहि भजहिं जीव ते धन्य ॥

श्रीरघुबीर प्रताप ते सिंधु तरे पाषान। ते मतिमंद जे राम तजि भजहिं जाइ प्रभु आन ॥

लव निमेष परमानु जुग बरस कलप सर चंड। भजसि न मन तेहि राम कहँकालु जासु कोदंड ॥

तब लगि कुसल न जीव कहुँ सपनेहुँ मन बिश्राम। जब लगि भजत न राम कहुँ सोकधाम तजि काम ॥

बिनु सतसंग न हरिकथा तेहिं बिनु मोह न भाग। मोह गएँ बिनु रामपद होइ न दृढ अनुराग ॥

बिनु बिस्वास भगति नहिं तेहि बिनु द्रवहिं न रामु। राम कृपा बिनु सपनेहुँ जीव न ल बिश्रामु ॥

अस बिचारि मतिधीर तजि कुतर्क संसय सकल। भजहु राम रघुबीर करुनाकर सुंदर सुखद ॥

भाव बस्य भगवान सुख निधान करुना भवन। तजि ममता मद मान भजिअ सदा सीता रवन ॥

कहहिं बिमलमति संत बेद पुरान बिचारि अस। द्रवहिं जानकी कंत तब छूटै संसार दुख ॥

बिनु गुरु होइ कि ग्यान ग्यान कि होइ बिराग बिनु। गावहिं बेद पुरान सुख कि लहिअ हरि भगति बिनु ॥

रामचंद्र के भजन बिनु जो चह पद निर्बान। ग्यानवंत अपि सो नर पसु बिनु पूँछ बिषान ॥

जरउ सो संपति सदन सुखु सुहृद मातु पितु भाइ। सनमुख होत जो रामपद करइ न सहस सहाइ ॥

सेइ साधु गुरु समुझि सिखि राम भगति थिरताइ। लरिकाई को पैरिबो तुलसी बिसरि न जाइ ॥

सबइ कहावत राम के सबहि राम की आस। राम कहहिं जेहि आपनो तेहि भजु तुलसीदास ॥

जेहि सरीर रति राम सों सोइ आदरहिं सुजान। रुद्रदेह तजि नेहबस बानर भे हनुमान ॥

जानि राम सेवा सरस समुझि करब अनुमान। पुरुषा ते सेवक भए हर ते भे हनुमान ॥

तुलसी रघुबर सेवकहि खल डाटत मन माखि। बाजराज के बालकहि लवा दिखावत आँखि ॥

रावन रिपुके दास तें कायर करहिं कुचालि। खर दूषन मारीच ज्यों नीच जाहिंगे कालि ॥

पुन्य पाप जस अजस के भावी भाजन भूरि। संकट तुलसीदास को राम करहिंगे दूरि ॥

खेलत बालक ब्याल सँग मेलत पावक हाथ। तुलसी सिसु पितु मातु ज्यों राखत सिय रघुनाथ ॥

तुलसी दिन भल साहु कहँभली चोर कहँराति। निसि बासर ता कहँभलो मानै राम इताति ॥

तुलसी जाने सुनि समुझि कृपासिंधु रघुराज। महँगे मनि कंचन किए सौंधे जग जल नाज ॥

सेवा सील सनेह बस करि परिहरि प्रिय लोग। तुलसी ते सब राम सों सुखद सँजोग बियोग ॥

चारि चहत मानस अगम चनक चारि को लाहु। चारि परिहरें चारि को दानि चारि चख चाहु ॥

सूधे मन सूधे बचन सूधी सब करतूति। तुलसी सूधी सकल बिधि रघुबर प्रेम प्रसूति ॥

बेष बिसद बोलनि मधुर मन कटु करम मलीन। तुलसी राम न पाइऐ भएँ बिषय जल मीन ॥

बचन बेष तें जो बनइ सो बिगरइ परिनाम। तुलसी मन तें जो बनइ बनी बनाई राम ॥

नीच मीचु लै जाइ जो राम रजायसु पाइ। तौ तुलसी तेरो भलो न तु अनभलो अघाइ ॥

जाति हीन अघ जन्म महि मुक्त कीन्हि असि नारि। महामंद मन सुख चहसि ऐसे प्रभुहि बिसारि ॥

बंधु बधू रत कहि कियो बचन निरुत्तर बालि। तुलसी प्रभु सुग्रीव की चितइ न कछू कुचालि ॥

बालि बली बलसालि दलि सखा कीन्ह कपिराज। तुलसी राम कृपालु को बिरद गरीब निवाज ॥

कहा बिभीषन लै मिल्यो कहा बिगार्यो बालि। तुलसी प्रभु सरनागतहि सब दिन आए पालि ॥

तुलसी कोसलपाल सो को सरनागत पाल। भज्यो बिभीषन बंधु भय भंज्यो दारिद काल ॥

कुलिसहु चाहि कठोर अति कोमलकुसुमहु चाहि। चित्त खगेस राम कर समुझि परइ कहु काहि॥

बलकलभूषन फल असन तृन सज्याद्रुम प्रीति। तिन्ह समयनलंका दई यह रघुबर की रीति॥

जोसंपति सिव रावनहि दीन्हि दिएँ दस माथ। सोइसंपदा बिभीषनहि सकुचि दीन्हि रघुनाथ॥

अबिचल राज बिभीषनहि दीन्ह राम रघुराज। अजहुँ बिराजतलंक परतुलसी सहित समाज॥

कहा बिभीषनलै मिल्यो कहा दियो रघुनाथ। तुलसी यह जाने बिनामूढ़ मीजिहैं हाथ॥

बैरिबंधु निसिचर अधम तज्योन भरें कलंक। झूठें अघ सिय परिहरीतुलसी साइँ ससंक॥

तेहि समाज कियो कठिन पनजेहिं तौल्योकैलास। तुलसी प्रभु महिमा कहौंसेवक को बिस्वास॥

सभा सभासद निरखि पट पकरि उठायो हाथ। तुलसी कियो इगारहों बसन बेस जदुनाथ ॥

त्राहि तीनि कह्यो द्रौपदीतुलसी राज समाज। प्रथम बढ़े पट बिय बिकल चहत चकित निज काज॥

सुख जीवन सब कोउ चहतसुख जीवन हरि हाथ। तुलसी दाता मागनेउदेखिअत अबुध अनाथ॥

कृपनदेइ पाइअ परो बिनु साधें सिधि होइ। सीतापति सनमुख समुझि जौ कीजैसुभ सोइ॥

दंडक बन पावन करन चरन सरोज प्रभाउ। ऊसर जामहिं खल तरहिं होइरंकते राउ॥

बिनहिं रितु तरुबर फरत सिला द्रवहि जल जोर। राम लखन सिय करिकृपा जब चितवतजेहि ओर॥

सिलासुतिय भइ गिरि तरे मृतक जिए जग जान। राम अनुग्रह सगुनसुभसुलभ सकल कल्यान॥

सिला साप मोचन चरनसुमिरहुतुलसीदास। तजहु सोचसंकट मिटिहिंपूजहि मनकी आस॥

मुए जिआए भालु कपि अवध बिप्रकोपूत। सुमिरहुतुलसी ताहितू जाको मारुति दूत॥

काल करम गुन दोर जग जीव तिहारे हाथ। तुलसी रघुबर रावरो जानु जानकीनाथ ॥

रोग निकर तनु जरठपनु तुलसी संग कुलोग। राम कृपा लै पालिऐ दीन पालिबे जोग ॥

मो सम दीन न दीन हित तुम्ह समान रघुबीर। अस बिचारि रघुबंस मनि हरहु बिषम भव भीर ॥

भव भुअंग तुलसी नकुल डसत ग्यान हरि लेत। चित्रकूट एक औषधी चितवत होत सचेत ॥

हौंहु कहावत सबु कहत राम सहत उपहास। साहिब सीतानाथ सो सेवक तुलसीदास ॥

राम राज राजत सकल धरम निरत नर नारि। राग न रोष न दोष दुख सुलभ पदारथ चारि ॥

राम राज संतोष सुख घर बन सकल सुपास। तरु सुरतरु सुरधेनु महि अभिमत भोग बिलास ॥

खेती बनि बिद्या बनिज सेवा सिलिप सुकाज। तुलसी सुरतरु सरिस सब सुफल राम कें राज ॥

दंड जतिन्ह कर भेद जहँनर्तक नृत्य समाज। जीतहु मनहिं सुनिअ अस रामचंद्र कें राज ॥

कोपें सोच न पोच कर करिअ निहोर न काज। तुलसी परमिति प्रीति की रीति राम कें राज ॥

मुकुर निरखि मुख राम भ्रू गनत गुनहि दै दोष। तुलसी से सठ सेवकन्हि लखि जनि परहिं सरोष ॥

सहसनाम मुनि भनित सुनि तुलसी बल्लभ नाम। सकुचित हियँहँसि निरखि सिय धरम धुरंधर राम ॥

गौतम तिय गति सुरति करि नहिं परसति पग पानि। मन बिहँसे रघुबंसमनि प्रीति अलौकिक जानि ॥

तुलसी बिलसत नखत निसि सरद सुधाकर साथ। मुकुता झालरि झलक जनु राम सुजसु सिसु हाथ ॥

रघुपति कीरति कामिनी क्यों कहै तुलसीदासु। सरद अकास प्रकास ससि चारु चिबुक तिल जासु ॥

प्रभु गुन गन भूषन बसन बिसद बिसेष सुबेस। राम सुकीरति कामिनी तुलसी करतब केस ॥

राम चरित राकेस कर सरिस सुखद सब काहु। सज्जन कुमुद चकोर चित हित बिसेषि बड़ लाहु ॥

रघुबर कीरति सज्जननि सीतल खलनि सुताति। ज्यों चकोर चय चक्कवनि तुलसी चाँदनि राति ॥

राम कथा मंदाकिनी चित्रकूट चित चारु। तुलसी सुभग सनेह बन सिय रघुबीर बिहारु ॥

स्याम सुरभि पय बिसद अति गुनद करहिं सब पान। गिरा ग्राम्य सिय राम जस गावहिं सुनहिं सुजान ॥

हरि हर जस सुर नर गिरहुँ बरनहिं सुकबि समाज। हाँड़ी हाटक घटित चरु राँधे स्वाद सुनाज ॥

तिल पर राखेउ सकल जग बिदित बिलोकत लोग। तुलसी महिमा राम की कौन जानिबे जोग ॥

राम सरूप तुम्हार बचन अगोचर बुद्धिपर। अबिगत अकथ अपार नेति नेति नित निगम कह ॥

माया जीव सुभाव गुन काल करम महदादि। ईस अंक तें बढ़त सब ईस अंक बिनु बादि ॥

हित उदास रघुबर बिरह बिकल सकल नर नारि। भरत लखन सिय गति समुझि प्रभु चख सदा सुबारि ॥

सीय सुमित्रा सुवन गति भरत सनेह सुभाउ। कहिबे को सारद सरस जनिबे को रघुराउ ॥

जानि राम न कहि सके भरत लखन सिय प्रीति। सो सुनि गुनि तुलसी कहत हठ सठता की रीति ॥

सब बिधि समरथ सकल कह सहि साँसति दिन राति। भलो निबाहेउ सुनि समुझि स्वामिधर्म सब भाँति ॥

भरतहि होइ न राजमदु बिधि हरिहर पद पाइ। कबहुँ कि काँजी सीकरनि छीरसिंधु बिनसाइ ॥

संपति चकई भरत चक मुनि आयस खेलवार। तेहि निसि आश्रम पिंजराँ राखे भा भिनुसार ॥

सधन चोर मग मुदित मन धनी गही ज्यों फेंट। त्यों सुग्रीव बिभीषनहिं भई भरतकी भेंट ॥

राम सराहे भरत उठि मिले राम सम जानि। तदपि बिभीषन कीसपति तुलसी गरत गलानि ॥

भरत स्याम तन राम सम सब गुन रूप निधान। सेवक सुखदायक सुलभ सुमिरत सब कल्यान ॥

ललित लखन मूरति मधुर सुमिरहु सहित सनेह। सुख संपति कीरति बिजय सगुन सुमंगल गेह ॥

नाम सत्रुसूदन सुभग सुषमा सील निकेत। सेवत सुमिरत सुलभ सुख सकल सुमंगल देत ॥

कौसल्या कल्यानमइ मूरति करत प्रनाम। सगुन सुमंगल काज सुभ कृपा करहिं सियाराम ॥

सुमिरि सुमित्रा नाम जग जे तिय लेहिं सनेम। सुअन लखन रिपुदवन से पावहिं पति पद प्रेम ॥

सीताचरन प्रनाम करि सुमिरि सुनाम सुनेम। होहिं तीय पतिदेवता प्राननाथ प्रिय प्रेम ॥

तुलसी केवल कामतरु रामचरित आराम। कलितरु कपि निसिचर कहत हमहिं किए बिधि बाम ॥

मातु सकल सानुज भरत गुरु पुर लोग सुभाउ। देखत देख न कैकइहि लंकापति कपिराउ ॥

सहज सरल रघुबर बचन कुमति कुटिल करि जान। चलइ जोंक जल बक्रगति जद्यपि सलिलु समान ॥

दसरथ नाम सुकामतरु फलइ सकलो कल्यान। धरनि धाम धन धरम सुत सदगुन रूप निधान ॥

तुलसी जान्यो दसरथहिं धरमु न सत्य समान। रामु तजे जेहि लागि बिनु राम परिहरे प्रान ॥

राम बिरहँदसरथ मरन मुनि मन अगम सुमीचु। तुलसी मंगल मरन तरु सुचि सनेह जल सींचु ॥

जीवन मरन सुनाम जैसें दसरथ राय को। जियत खिलाए राम राम बिरहँतनु परिहरेउ ॥

प्रभुहि बिलोकत गोद गत सिय हित घायल नीचु। तुलसी पाई गीधपति मुकुति मनोहर मीचु ॥

बिरत करम रत भगत मुनि सिद्ध ऊँच अरु नीचु। तुलसी सकल सिहात सुनि गीधराज की मीचु ॥

मुए मरत मरिहैं सकल घरी पहरके बीचु। लही न काहूँ आजु लौं गीधराज की मीचु ॥

मुँए मुकुत जीवत मुकुत मुकुत मुकुत हूँ बीचु। तुलसी सबही तें अधिक गीधराज की मीचु ॥

रघुबर बिकल बिहंग लखि सो बिलोकि दोउ बीर। सिय सुधि कहि सियल राम कहि देह तजी मति धीर ॥

दसरथ तें दसगुन भगति सहित तासु करि काजु। सोचत बंधु समेत प्रभु कृपासिंधु रघुराजु ॥

केवट निसिचर बिहग मृग किए साधु सनमानि। तुलसी रघुबर की कृपा सकल सुमंगल खानि ॥

मंजुल मंगल मोदमय मूरति मारुत पूत। सकल सिद्धि कर कमल तल सुमिरत रघुबर दूत ॥

धीर बीर रघुबीर प्रिय सुमिरि समीर कुमारु। अगम सुगम सब काज करु करतल सिद्धि बिचारु ॥

सुख मुद मंगल कुमुद बिधु सुगुन सरोरुह भानु। करहु काज सब सिद्धि सुभ आनि हिएँ हनुमानु ॥

सकल काज सुभ समउ भल सगुन सुमंगल जानु। कीरति बिजय बिभूति भलि हियँहनुमानहि आनु ॥

सूर सिरोमनि साहसी सुमति समीर कुमार। सुमिरत सब सुख संपदा मुद मंगल दातार ॥

तुलसी तनु सर सुख जलज भुज रुज गज बरजोर। दलत दयानिधि देखिऐ कपि केसरी किसोर ॥

भुज तरु कोटर रोग अहि बरबस कियो प्रबेस। बिहगराज बाहन तुरत काढ़िअ मिटै कलेस ॥

बाहु बिटप सुख बिहँग थलु लगी कुपीर कुआगि। राम कृपा जल सीचिऐ बेगि दीन हित लागि ॥

मुक्ति जन्म महि जानि ग्यान खानि अघ हानि कर। जहँबस संभु भवानि सो कासी सेइअ कस न ॥

जरत सकल सुर बृंद बिषम गरल जेहिं पान किय। तेहि न भजसि मन मंद को कृपालु संकर सरिस ॥

बासर ढासनि के ढका रजनीं चहुँ दिसि चोर। संकर निज पुर राखिऐ चितै सुलोचन कोर ॥

अपनी बीसीं आपुहीं पुरिहिं लगाए हाथ। केहि बिधि बिनती बिस्व की करौं बिस्व के नाथ ॥

और करै अपराधु कोउ और पाव फल भोगु। अति बिचित्र भगवंत गति को जग जानै जोगु ॥

प्रेम सरीर प्रपंच रुज उपजी अधिक उपाधि। तुलसी भली सुबैदई बेगि बाँधिऐ ब्याधि ॥

हम हमार आचार बड़ भूरि भार धरि सीस। हठि सठ परबस परत जिमि कीर कोस कृमि कीस ॥

केहिं मग प्रबिसति जाति केहिं कहु दरपनमें छाहँ। तुलसी ज्यों जग जीव गति करि जीव के नाहँ॥

सुखसागर सुख नींद बस सपने सब करतार। माया मायानाथ की को जग जाननिहार ॥

जीव सीव सम सुख सयन सपनें कछु करतूति। जागत दीन मलीन सोइ बिकल बिषाद बिभूति ॥

सपनें होइ भिखारि नृपु रंकु नाकपति होइ। जागें लाभु न हानि कछु तिमि प्रपंच जियँजोइ ॥

तुलसी देखत अनुभवत सुनत न समुझत नीच। चपरि चपेटे देत नित केस गहें कर मीच ॥

करम खरी कर मोह थल अंक चराचर जाल। हनत गुनत गनि गुनि हनत जगत ज्यौतिषी काल ॥

कहिबे कहँरसना रची सुनिबे कहँकिये कान। धरिबे कहँचित हित सहित परमारथहि सुजान ॥

ग्यान कहै अग्यान बिनु तम बिनु कहै प्रकास। निरगुन कहै जो सगुन बिनु सो गुरु तुलसीदास ॥

अंक अगुन आखर सगुन समुझिअ उभय प्रकार। खोएँ राखें आपु भल तुलसी चारु बिचार ॥

परमारथ पहिचानि मति लसति बिषयँलपटानि। निकसि चिता तें अधजरित मानहुँ सती परानि ॥

सीस उधारन किन कहेउ बरजि रहे प्रिय लोग। घरहीं सती कहावती जरती नाह बियोग ॥

खरिया खरी कपूर सब उचित न पिय तिय त्याग। कै खरिया मोहि मेलि कै बिमल बिबेक बिराग ॥

घर कीन्हें घर जात है घर छाँड़े घर जाइ। तुलसी घर बन बीचहीं राम प्रेम पुर छाइ ॥

दिएँ पीठि पाछें लगै सनमुख होत पराइ। तुलसी संपति छाँह ज्यों लखि दिन बैठि गँवाइ ॥

तुलसी अद्भूत देवता आसा देवी नाम। सीँ सोक समर्पई बिमुख भएँ अभिराम ॥

सोई सेंवर तेइ सुवा सेवत सदा बसंत। तुलसी महिमा मोह की सुनत सराहत संत ॥

करत न समुझत झूठ गुन सुनत होत मति रंक। पारद प्रगट प्रपंचमय सिद्धिउ नाउँ कलंक ॥

ग्यानी तापस सूर कबि कोबिद गुन आगार। केहि कै लोभ बिडंबना कीन्हि न एहिं संसार ॥

श्रीमद बक्र न कीन्ह केहि प्रभुता बधिर न काहि। मृगलोचनि के नैन सर को अस लाग न जाहि ॥

ब्यापि रहेउ संसार महुँ माया कटक प्रचंड। सेनापति कामादि भट दंभ कपट पाषंड ॥

तात तीनि अति प्रबल खल काम क्रोध अरु लोभ। मुनि बिग्यान धाम मन करहिं निमिष महुँ छोभ ॥

लोभ कें इच्छा दंभ बल काम के केवल नारि। क्रोध के परुष बचन बल मुनिबर कहहिं बिचारि ॥

काम क्रोध लोभादि मद प्रबल मोह कै धारि। तिन्ह महँअति दारुन दुखद मायारुपी नारि ॥

काह न पावक जारि सक का न समुद्र समाइ। का न करै अबला प्रबल केहि जग कालु न खाइ ॥

जनमपत्रिका बरति कै देखहु मनहिं बिचारि। दारुन बैरी मीचु के बीच बिराजति नारि ॥

दीपसिखा सम जुबति तन मन जनि होऽसि पतंग। भजहि राम तजि काम मद करहि सदा सतसंग ॥

काम क्रोध मद लोभ रत गृहासक्त दुखरूप। ते किमि जानहिं रघुपतिहि मूढ़ परे भव कूप ॥

ग्रह ग्रहीत पुनि बात बस तेहि पुनि बीछी मार। तेहि पिआइअ बारुनी कहहु काह उपचार ॥

ताहि कि संपति सगुन सुभ सपनेहुँ मन बिश्राम। भूत द्रोह रत मोहबस राम बिमुख रति काम ॥

कहत कठिन समुझत कठिन साधत कठिन बिबेक। होइ घुनाच्छर न्याय जौं पुनि प्रत्यूह अनेक ॥

खल प्रबोध जग सोध मन को निरोध कुल सोध। करहिं ते फोटक पचि मरहिं सपनेहुँ सुख न सुबोध ॥

कोउ बिश्राम कि पाव तात सहज संतोष बिनु। चलै कि जल बिनु नाव कोटि जतन पचि पचि मरिअ ॥

सुर नर मुनि कोउ नाहिं जेहि न मोह माया प्रबल। अस बिचारि मन माहिं भजिअ महामाया पतिहि ॥

एक भरोसो एक बल एक आस बिस्वास। एक राम घन स्याम हित चातक तुलसीदास ॥

जौं घन बरषै समय सिर जौं भरि जनम उदास। तुलसी या चित चातकहि तऊ तिहारी आस ॥

चातक तुलसी के मतें स्वातिहुँ पिऐ न पानि। प्रेम तृषा बाढ़ति भली घटें घटैगी आनि ॥

रटत रटत रसना लटी तृषा सूखि गे अंग। तुलसी चातक प्रेम को नित नूतन रुचि रंग ॥

चढ़त न चातक चित कबहुँ प्रिय पयोद के दोष। तुलसी प्रेम पयोधि की ताते नाप न जोख ॥

बरषि परुष पाहन पयद पंख करौ टुक टूक। तुलसी परी न चाहिऐ चतुर चातकहि चूक ॥

उपल बरसि गरजत तरजि डारत कुलिस कठोर। चितव कि चातक मेघ तजि कबहुँ दूसरी ओर ॥

पबि पाहन दामिनि गरज झरि झकोर खरि खीझि। रोष न प्रीतम दोष लखि तुलसी रागहि रीझि ॥

मान राखिबो माँगिबो पिय सों नित नव नेहु। तुलसी तीनिउ तब फबैं जौ चातक मत लेहु ॥

तुलसी चातक ही फबै मान राखिबो प्रेम। बक्र बुंद लखि स्वातिहू निदरि निबाहत नेम ॥

तुलसी चातक माँगनो एक एक घन दानि। देत जो भू भाजन भरत लेत जो घूँटक पानि ॥

तीनि लोक तिहुँ काल जस चातक ही के माथ। तुलसी जासु न दीनता सुनी दूसरे नाथ ॥

प्रीति पपीहा पयद की प्रगट नई पहिचानि। जाचक जगत कनाउड़ो कियो कनौड़ा दानि ॥

नहिं जाचत नहिं संग्रही सीस नाइ नहिं लेइ। ऐसे मानी मागनेहि को बारिद बिनदेइ॥

को कोन ज्यायो जगतमें जीवन दायक दानि। भयो कनौड़ो जाचकहि पयदप्रेम पहिचानि॥

साधन साँसति सब सहत सबहिसुखद फल लाहु। तुलसी चातक जलद की रीझिबूझिबुध काहु॥

चातक जीवन दायकहि जीवन समयँसुरीति। तुलसी अलखन लखि परै चातक प्रीति प्रतीति॥

जीव चराचर जहँलगेहै सब को हितमेह। तुलसी चातक मन बस्यो घन सों सहज सनेह॥

डोलत बिपुल बिहंग बन पिअत पोखरनि बारि। सुजस धवल चातक नवल तुही भुवन दस चारि ॥

मुख मीठे मानस मलिन कोकिल मोर चकोर। सुजस धवल चातक नवल रह्यो भुवन भरि तोर ॥

बासबेस बोलनि चलनि मानसमंजु मराल। तुलसी चातकप्रेम की कीरति बिसद बिसाल॥

प्रेमन परखिअ परुषपन पयद सिखावन एह। जग कह चातक पातकी ऊसर बरसैमेह॥

होइन चातक पातकी जीवन दानिनमूढ़। तुलसी गति प्रहलाद की समुझिप्रेम पथगूढ़॥

गरज आपनी सबन को गरज करत उर आनि। तुलसी चातक चतुर भो जाचक जानि सुदानि ॥

चरगचंगु गत चातकहिनेमप्रेम की पीर। तुलसी परबस हाड़ पर परिहैंपुहुमी नीर॥

बध्यो बधिक पर्योपुन्य जल उलटि उठाई चोंच। तुलसी चातकप्रेमपट मरतहुँ लगीन खोंच॥

अंड फोरि कियोचेटुवातुष पर्यो नीर निहारि। गहिचंगुल चातक चतुर डार्यो बाहिर बारि॥

तुलसी चातकदेत सिखसुतहि बारहीं बार। तातन तर्पन कीजिऐ बिना बारिधर धार॥

जिअतन नाई नारि चातक घन तजि दूसरहि। सुरसरिहू को बारि मरत न माँगेउ अरध जल ॥

सुनु रे तुलसीदास प्यास पपीहहि प्रेम की। परिहरि चारिउ मास जौ अँचवै जल स्वाति को ॥

जाचै बारह मास पिऐ पपीहा स्वाति जल। जान्यो तुलसीदास जोगवत नेही नेह मन ॥

तुलसीं के मत चातकहि केवल प्रेम पिआस। पिअत स्वाति जल जान जग जाँचत बारह मास ॥

आलबाल मुकुताहलनि हिय सनेह तरु मूल। होइ हेतु चित चातकहि स्वाति सलिलु अनुकूल ॥

उष्न काल अरु देह खिन मन पंथी तन ऊख। चातक बतियाँन रुचीं अन जल सींचे रूख ॥

अन जल सींचे रूख की छाया तें बरु घाम। तुलसी चातक बहुत हैं यह प्रबीन को काम ॥

एक अंग जो सनेहता निसि दिन चातक नेह। तुलसी जासों हित लगै वहि अहार वहि देह ॥

बिबि रसना तनु स्याम है बंक चलनि बिष खानि। तुलसी जस श्रवननि सुन्यो सीस समरप्यो आनि ॥

आपु ब्याध को रूप धरि कुहौ कुरंगहि राग। तुलसी जो मृग मन मुरै परै प्रेम पट दाग ॥

तुलसी मनि निज दुति फनिहि ब्याधिहि देउ दिखाइ। बिछुरत होइ नब आँधरो ताते प्रेम न जाइ ॥

जरत तुहिन लखि बनज बन रबि दै पीठि पराउ। उदय बिकस अथवत सकुच मिटै न सहज सुभाउ ॥

देउ आपनें हाथ जल मीनहि माहुर घोरि। तुलसी जिऐ जो बारि बिनु तौ तु देहि कबि खोरि ॥

मकर उरग दादुर कमठ जल जीवन जल गेह। तुलसी एकै मीन को है साँचिलो सनेह ॥

तुलसी मिटे न मरि मिटेहुँ साँचो सहज सनेह। मोरसिखा बिनु मूरिहूँ पलुहत गरजत मेह ॥

सुलभ प्रीति प्रीतम सबै कहत करत सब कोइ। तुलसी मीन पुनीत ते त्रिभुवन बड़ो न कोइ ॥

तुलसी जप तप नेम ब्रत सब सबहीं तें होइ। लहै बड़ाई देवता इष्टदेव जब होइ ॥

कुदिन हितू सो हित सुदिन हित अनहित किन होइ। ससि छबि हर रबि सदन तउ मित्र कहत सब कोइ ॥

कै लघुकै बड़ मीत भल सम सनेह दुख सोइ। तुलसी ज्यों घृत मधु सरिस मिलें महाबिष होइ ॥

मान्य मीत सों सुख चहैं सो न छुऐ छल छाहँ। ससि त्रिसंकु कैकेइ गति लखि तुलसी मन माहँ॥

कहिअ कठिन कृत कोमलहुँ हित हठि होइ सहाइ। पलक पानि पर ओड़िअत समुझि कुघाइ सुघाइ ॥

तुलसी बैर सनेह दोउ रहित बिलोचन चारि। सुरा सेवरा आदरहिं निंदहिं सुरसरि बारि ॥

रुचै मागनेहि मागिबो तुलसी दानिहि दानु। आलस अनख न आचरज प्रेम पिहानी जानु ॥

अमिअ गारि गारेउ गरल गारि कीन्ह करतार। प्रेम बैर की जननि जुग जानहिं बुध न गवाँर ॥

सदा न जे सुमिरत रहहिं मिलि न कहहिं प्रिय बैन। ते पै तिन्ह के जाहिं घर जिन्ह के हिएँ न नैन ॥

हित पुनीत सब स्वारथहिं अरि असुद्ध बिनु चाड़। निज मुख मानिक सम दसन भूमि परे ते हाड़ ॥

माखी काक उलूक बक दादुर से भए लोग। भले ते सुक पिक मोरसे कोउ न प्रेम पथ जोग ॥

हृदयँकपट बर बेष धरि बचन कहहिं गढ़ि छोलि। अब के लोग मयूर ज्यों क्यों मिलिए मन खोलि ॥

चरन चोंच लोचन रँगौ चलौ मराली चाल। छीर नीर बिबरन समय बक उघरत तेहि काल ॥

मिलै जो सरलहि सरल ह्वै कुटिल न सहज बिहाइ। सो सहेतु ज्यों बक्र गति ब्याल न बिलहिं समाइ ॥

कृसधन सखहि न देब दुख मुएहुँ न मागब नीच। तुलसी सज्जन की रहनि पावकल पानी बीच ॥

संग सरल कुटिलहि भएँ हरि हर करहिं निबाहु। ग्रह गनती गनि चतुर बिधि कियो उदर बिनु राहु ॥

नीच निचाई नहिं तजइ सज्जनहू कें संग। तुलसी चंदन बिटप बसि बिनु बिष भए न भुअंग ॥

भलो भलाइहि पै लहइ लहइ निचाइहि नीचु। सुधा सराहिअ अमरताँगरल सराहिअ मीचु ॥

मिथ्या माहुर सज्जनहि खलहि गरल सम साँच। तुलसी छुअत पराइ ज्यों पारद पावक आँच ॥

संत संग अपबर्ग कर कामी भव कर पंथ। कहहि संत कबि कोबिद श्रुति पुरान सदग्रंथ ॥

सुकृत न सुकृती परिहरइ कपट न कपटी नीच। मरत सिखावन देइ चले गीधराज मारीच ॥

सुजन सुतरु बन ऊख सम खल टंकिका रुखान। परहित अनहित लागि सब साँसति सहर समान ॥

पिअहि सुमन रस अलिल बिटप काटि कोल फल खात। तुलसी तरुजीवी जुगल सुमति कुमति की बात ॥

अवसर कौड़ी जो चुकै बहुरि दिएँ का लाख। दुइज न चंदा देखिऐ उदौ कहा भरि पाख ॥

ग्यान अनभले को सबहि भले भलेहू काउ। सींग सूँड़ रद लूम नख करत जीव जड़ घाउ ॥

तुलसी जग जीवन अहित कतहुँ कोउ हित जानि। सोषक भानु कृसानु महि पवन एक घन दानि ॥

सुनिअ सुधा देखिअहिं गरल सब करतूति कराल। जहँतहँकाक उलूक बक मानस सकृत मराल ॥

जलचर थलचर गगनचर देव दनुज नर नाग। उत्तम मध्यम अधम खल दस गुन बढ़त बिभाग ॥

बलि मिस देखे देवता कर मिस मानव देव। मुए मार सुबिचार हत स्वारथ साधन एव ॥

सुजन कहत भल पोच पथ पापि न परखइ भेद। करमनास सुरसरित मिस बिधि निषेध बद बेद ॥

मनि भाजन मधु पारई पूरन अमी निहारि। का छाँड़िअ का संग्रहिअ कहहु बिबेक बिचारि ॥

उत्तम मध्यम नीच गति पाहन सिकता पानि। प्रीति परिच्छा तिहुन की बैर बितिक्रम जानि ॥

पुन्य प्रीति पति प्रापतिउ परमारथ पथ पाँच। लहहिं सुजन परिहरहिं खल सुनहु सिखावन साँच ॥

नीच निरादरहीं सुखद आदर सुखद बिसाल। कदरी बदरी बिटप गति पेखहु पनस रसाल ॥

तुलसी अपनो आचरन भलो न लागत कासु। तेहि न बसात जो खात नित लहसुनहू को बासु ॥

बुध सो बिबेकी बिमलमति जिन्ह के रोष न राग। सुहृद सराहत साधु जेहि तुलसी ताको भाग ॥

आपु आपु कहँसब भलो अपने कहँकोइ कोइ। तुलसी सब कहँजो भलो सुजन सराहिअ सोइ ॥

तुलसी भलो सुसंग तें पोच कुसंगति सोइ। नाउ किंनरी तीर असि लोह बिलोकहु लोइ ॥

गुरु संगति गुरु होइ सो लघु संगति लघु नाम। चार पदारथ में गनै नरक द्वारहू काम ॥

तुलसी गुरु लघुता लहत लघु संगति परिनाम। देवी देव पुकारिअत नीच नारि नर नाम ॥

तुलसी किएँ कुसंग थिति होहिं दाहिने बाम। कहि सुनि सकुचिअ सूम खल गत हरि संकर नाम ॥

बसि कुसंग चह सुजनता ताकी आस निरास। तीरथहू को नाम भो गया मगह के पास ॥