Bhajan (भजन) अवधी • Awadhi
रोगदैया = अन्याय, बेईमानी।(राग नट) गावत गोपाल-लाल नीकें राग नट हैं।चलि री आलि देखन लोयन-लाहु पेखन ठाढ़े सुरतरु तर तटिनी के तट हैं ॥मोरचंदा चारु सिर मंजु गुंजा-पुंज धरें बानि बन-धातु तन ओढ़े पीत पट हैं।मुरली तान-तरँग मोहे कुरंग बिहंग, जोहैं मूरति त्रिभंग निपट निकट हैं ॥अंबर अमर हरषत बरषत फूल, स्नेह सिथिल गोप गाइन्ह के ठट हैं।तुलसी प्रभु निहारि जहाँ तहाँ ब्रज नारि ठगी ठाढ़ी मग लिये रीते भरे घट हैं॥20॥