Pad (पद) अवधी • Awadhi
कटु कहिए गाढ़े परे सुनु समुझि सुसाईं ।करहिं अनभले को भलो आपनी भलाई ॥समरथ सुभ जो पावई, बीर, पीर पराई ।ताहि तकैं सब ज्यों नदी बारिधि न बुलाई ॥अपने अपने को भलो चहैं लोग लुगाई ।भावै जो जेहिं तेहिं भजै सुभ असुभ सगाई ॥बाँह बोलि दै थापिए जो निज बरिआई ।बिन सेवा सों पालिए सेवक की नाईं ॥चूक चपलता मेरियै, तू बड़ो बड़ाई ।होत आदरे ढीठ हौं अति नीच निचाई ॥बंदिछोर बिरुदावली निगमागम गाई ।नीको तुलसीदास को तेरि ही निकाई