Pad (पद) अवधी • Awadhi
ऐसेउ साहब की सेवा सों होत चोर, रे ।आपनी न बुझि, न कहे को राढ़रोर , रे ॥मुनि-मन-अगम, सुगम, माइ-बाप, सों ।कृपासिंधु, सहज सखा, सनेही आपु सों ॥लोक-बेद-बिदित बड़ो न रघुनाथ सों ।सब दिन, सब देस, सबही के साथ सों ॥स्वामी सर्वज्ञ सों चलै न चोरी चार की ।प्रीति पहिचानि यह रीति दरबार की ॥काय न कलेस-लेस, लेत मानि मन की ।सुमिरे सकु चि रुचि जोगवत जन की ॥रीझे बस होत, खीझे देत निज धाम, रे ।फलत सकल फल कामतरु नाम, रे ॥बेंचे खोटो दाम न मिलै, न राखे काम रे ।सोऊ तुलसी निवाज्यो ऐसो राजा राम, रे