Pad (पद) अवधी • Awadhi
दीनबंधु, सुखसिंधु, कृपाकर, कारुनीक रघुराई ।सुनहु नाथ ! मन जरत त्रिबिध ज्वर, करत फिरत बौराई ॥कबहुँ जोगरत, भोग-निरत सठ, हठ बियोग बस होई ।कबहुँ मोहबस द्रोह करत बहु, कबहुँ दया अति सोई ॥कबहुँ दीन मतिहीन रंकतर, कबहुँ भूप अभिमानी ।कबहुँ मूढ पंडित बिडंब-रत, कबहुँ धरम-रत ज्ञानी ॥कबहुँ देख जग धनमय रिपुमय, कबहुँ नारिमय भासै ।संसृति-सन्निपात दारुन दुख बिनु हरि-कृपा न नासै ॥संजम जप तप नेम धरम ब्रत बहु भेषज समुदाई ।तुलसिदास भव-रोग रामपद-प्रेम-हीन नहिं जाई