Pad (पद) अवधी • Awadhi
इहै कह्यो सुत, बेद चहूँ ।श्रीरघुबीर-चरन चिंतन तजि नाहिन ठौर कहूँ ॥जाके चरन बिरंचि सेइ सिधि पाई संकर हूँ ।सुक सनकादि मुक्त बिचरत तेउ भजन करत अजहूँ ॥जद्यपि परम चपल श्री संतत, थिर न रहति कतहूँ ।हरि-पद-पंकज पाइ अचल भइ करम बचन मनहूँ ॥करुनासिंधु भगत-चिंतामनि सोभा सेवत हूँ ।और सकल सुर असुर ईस सब खाए उरग छहूँ ॥सुरुचि कह्यो सोइ सत्य, तात! अति परुष बचन जबहूँ ।तुलसिदास रघुनाथ-बिमुख नहिं मिटै बिपति कबहूँ