Pad (पद) अवधी • Awadhi
माधव! मो समान जग माहीं ।सब बिधि हीन, मलीन, दीन अति लीन-बिषय कोउ नाहीं ॥तुम सम हेतु-रहित कृपालु, आरत-हित, ईसहि त्यागी ।मैं दुख-सोक-बिकल कृपालु! के हि कारन दया न लागी ?॥नाहिंन कछु अवगुन तुम्हार, अपराध मोर मैं माना ।ज्ञान-भवन तनु दिएहु नाथ! सोउ पाय न मैं प्रभु जाना ॥बेनु करील, श्रीखंड बसंतहि दूषन मृषा लगावै ।सार-रहित, हत-भाग्य सुरभि पल्लव सो कहु कहँ पावै ॥सब प्रकार मैं कठिन, मृदुल हरि, दृढ़ बिचार जिय मोरे ।तुलसिदास प्रभु मोह-शृंखला छु टिहि तुम्हारे छोरे