Pad (पद) अवधी • Awadhi
सुनहु राम रघुबीर गुसाई! मन अनीति-रत मेरो ।चरन-सरोज बिसारि तिहारे निसि दिन फिरत अनेरो ॥मानत नाहिं निगम-अनुसासन, त्रास न काहू के रो ।भूल्यो सूल कर्म-कोल्हुन तिल ज्यों बहु बारनि पेरो ॥जहँ सतसंग कथा माधव की सपनेहुँ करत न फे रो ।लोभ-मोह-मद-काम-क्रोध-रत तिन्ह सों प्रेम घनेरो ॥पर-गुन सुनत दाह, पर-दूषन सुनत हर्ष बहुतेरो ।आप पाप को नगर बसावत, सहि न सकत पर खेरो ॥साधन-फल, स्रुति-सार नाम तव, भव-सरिता कहँ बेरो ।सो पर कर काँकिनी लागि सठ, बेंचि होत हठि चेरो ॥कबहुँक हौं संगति-प्रभाव तें जाउँ सुमारग नेरो ।तब करि क्रोध संग कु मनोरथ देत कठिन भट-भेरो ॥इक हौं दीन मलीन हीनमति बिपति-जाल अति घेरो ।तापर सहि न जाय करुनानिधि मन को दुसह दरेरो ॥हारि पर्यो करि जतन बहुत बिधि, तातें कहत सबेरो ।तुलसिदास यह त्रास मिटै जब हृदय करहु तुम डेरो