Pad (पद) अवधी • Awadhi
कृपासिंधु! जन दीन दुवारे दादि न पावत काहे ।जब जहँ तुमहिं पुकारत आरत तहँ तिन्हके दुख दाहे ॥गज, प्रहलाद, पांडुसुत, कपि सब के रिपु-संकट मेट्यो ।प्रनत बंधु-भय-बिकल बिभीषन उठि सो भरत ज्यों भेट्यो ॥मैं तुम्हरो लै नाम ग्राम इक उर आपने बसावौं ।भजन, बिबेक, बिराग लोग भले करम करम करि ल्यावौं ॥सुनि रिस भरे कु टिल कामादिक करहिं जोर बरिआई ।तिन्हहिं उजारि नारि अरि धन पुर राखहिं राम गुसाईं ॥सम सेवा छल दान दंड हौं रचि उपाय पचि हार्यो ।बिनु कारन के कलह बड़ो दुख, प्रभु सों प्रगटि पुकार्यो ॥सुर स्वारथी, अनीस , अलायक 3[], निठुर, दया चित नाहीं ।जाउँ कहाँ, को बिपति-निवारक भव-तारक जग माही ? ॥तुलसी जदपि पोच तउ तुम्हरो, और न काहु के रो ।दीजै भगति-बाँह बैरक ज्यों, सुबस बसै अब खेरो