Pad (पद) अवधी • Awadhi
सेइए सुसाहिब राम सो ।सुखद, सुसील, सुजान, सूर, सुचि, सुंदर कोटिक काम सो ॥सारद, सेस, साधु महिमा कहैं, गुनगन-गायक साम सो ।सुमिरि सप्रेम नाम जासों रति चाहत चंद्र-ललाम सो ॥गमन बिदेस न लेस कलेस को सकु चत सकृत प्रनाम सो ।साखी ताको बिदित बिभीषन बैठो है अबिचल धाम सो ॥टहल सहल जन महल महल जागत चारो जुग जाम सो ।देखत दोष न रीझत रीझत सुनि सेवक गुन-ग्राम सो ॥जाके भजे तिलोक-तिलक भए त्रिजग जोनि तनु तामसो ।तुलसी ऐसे प्रभुहिं भजै जो न ताहि बिधाता बाम सो