Pad (पद) अवधी • Awadhi
नाहिंन आवत आन भरोसो ।यहि कलिकाल सकल साधनतरु है स्रम-फलनि फरो सो ॥तप, तीरथ, उपवास, दान, मख जेहि जो रुचै करो सो ।पाएहि पै जानिबो करम-फल, भरि भरि बेद परोसो ॥आगम-बिधि, जप, जाग करत नर सरत न काज खरो सो ।सुख सपनेहु न जोग-सिधि-साधन, रोग बियोग धरो सो ॥काम, क्रोध, मद, लोभ, मोह मिलि ज्ञान बिराग हरो सो ।बिगरत मन संन्यास लेत जल नावत आम घरो सो ॥बहु मत मुनि बहु पंथ पुराननि जहाँ-तहाँ झगरो सो ।गुरु कह्यो राम-भजन नीको मोंहि लगत राज-डगरो सो ॥तुलसी बिनु परतीती प्रीति फिरि फिरि पचि मरै मरो सो ।रामनाम-बोहित भव-सागर, चाहै तरन तरो सो