Pad (पद) अवधी • Awadhi
बारक बिलोकि बलि कीजै मोहिं आपनो ।राय दशरथ के तू उथपन-थापनो ॥साहिब सरनपाल सबल न दूसरो ।तेरो नाम लेत ही सुखेत होत ऊसरो ॥बचन करम तेरे मेरे मन गड़े हैं ।देखे सुने जाने मैं जहान जेते बड़े हैं ॥कौन कियो समाधान सनमान सीला को ?भृगुनाथ सो ऋषी जितैया कौन लीला को ?मातु-पितु-बन्धु-हितु, लोक-बेदपाल को ?बोल को अचल, नत करत निहाल को ?संग्रही सनेहबस अधम असाधु को ?गीध सबरी को, कहो, करिहै सराधु को ?निराधार को अधार, दीन को दयालु को ?मीत कपि के वट, रजनिचर भालु को ॥रंक निरगुनी नीच जितने निवाजे हैं ।महाराज! सुजन -समाज ते बिराजे हैं ॥साँची बिरुदावली न बढ़ि कहि गई है ।सीलसिंधु ढील तुलसी की बार भई है