Pad (पद) अवधी • Awadhi
जो अनुराग न राम सनेही सों ।तौ लह्यो लाहु कहा नर देही सों ॥जो तनु धरि परिहरि सब सुख भए सुमति राम अनुरागी ।सो तनु पाइ अघाइ किये अघ अवगुन-उदधि अभागी ॥ज्ञान बिराग जोग जप तप मख जग मुद-मग नहिं थोरे ।राम-प्रेम बिनु नेम जाय जैसे मृग-जल-जलधि हिलोरे ॥लोक बिलोकि, पुरान बेद सुनि, समुझि बूझि गुरु ज्ञानी ।प्रीति प्रतीति राम-पद-पंकज सकल सुमंगल-खानी ॥अजहुँ जानि जिय मानि हारि हिय होइ पलक महँ नीको ।सुमिरु सनेह सहित हित रामहिं मानु मतो तुलसी को