Pad (पद) अवधी • Awadhi
जो मन भज्यो चहै हरि-सुरतरु ।तौ तज बिषय-बिकार सार भजु, अजहूँ जो मैं कहौं सोइ करु ॥सम, संतोष, बिचार बिमल अति, सतसंगति, ए चारि दृढ़ करि धरु ।काम क्रोध अरु लोभ मोह मद राग द्वेष निसेष करि परिहरु ॥स्रवन कथा, मुख नाम, हृदय हरि, सिर प्रनाम, सेवा कर अनुसरु ।नयनन निरखि कृपा-समुद्र हरि अग-जग-रूप भूप सीताबरु ॥इहै भगति, बैराग्य-ज्ञान यह हरि-तोषन यह सुभ ब्रत आचरु ।तुलसिदास सिव-मत मारग यहि चलत सदा सपनेहुँ नाहिन डरु