Pad (पद) अवधी • Awadhi
श्री रघुबीर की यह बानि ।नीचहूँ सों करत नेह सुप्रीति मन अनुमानि ॥परम अधम निषाद पाँवर, कौन ताकी कानि ?लियो सो उर लाइ सुत ज्यौं प्रेम को पहिचानि ॥गीध कौन दयालु जो बिधि रच्यो हिंसा सानि ?जनक ज्यों रघुनाथ ता कहँ दियो जल निज पानि ॥प्रकृति-मलिन कु जाति सबरी सकल अवगुन-खानि ।खात ताके दिए फल अति रुचि बखानि बखानि ॥रजनिचर अरु रिपु बिभीषन सरन आयो जानि ।भरत ज्यों उठि ताहि भेंटत देह-दसा भुलानि ॥कौन सुभग सुसील बानर जिनहिं सुमिरत हानि ।किए ते सब सखा, पूजे भवन अपने आनि ॥राम सहज कृपालु कोमल दीनहित दिन दानि ।भजहि ऐसे प्रभुहि तुलसी कु टिल कपट न ठानि