Pad (पद) अवधी • Awadhi
जो पै दूसरो कोउ होइ ।तौ हौं बारहि बार प्रभु कत दुख सुनावौं रोइ ॥काहि ममता दीन पर, को पतितपावन नाम ?पापमूल अजामिलहि के हि दियो अपनो धाम ?॥रहे संभु बिरंचि सुरपति लोकपाल अनेक ।सोक-सरि बूड़त करीसहि दई काहु न टेक ॥बिपुल भूपति-सदसि मह नर-नारि कह्यो ‘प्रभु पाहि’ ।सकल समरथ रहे काहु न बसन दीन्हों ताहि ॥एक मुख क्यों कहौं करुनासिंधु के गुन-गाथ ?भगतहित धरि देह काह न कियो कोसलनाथ ॥आप से कहुँ सौंपिये मोहि जो पै अतिहि घिनात ।दासतुलसी और बिधि क्यों चरन परिहरि जात ?