Pad (पद) अवधी • Awadhi
बाप आपने करत मेरी घनी घटि गई ।लालची लबार की सुधारिये बारक, बलि,रावरी भलाई सबही की भली भई ॥रोगबस तनु, कु मनोरथ मलिन मन,पर-अपबाद मिथ्या-बाद बानी हई ।साधन की ऐसी बिधि, साधन बिना न सिधि,बिगरी बनावै कृपानिधि की कृपा नई ॥पतित-पावन, हित आरत अनाथनि को,निराधार को अधार दीनबंधु दई ।इन्हमें न एकौ भयो, बूझि न जूझ्यो न जयो,ताहि तें त्रिताप तयो लुनियत बई ॥स्वाँग सूधो साधु को, कु चालि कलि तें अधिक,परलोक फीकी मति लोक-रंग-रई ।बड़े कु समाज राज आजुलौं जो पाए दिन,महाराज कै हूँ भाँति नाम-ओट लई ॥रामनाम को प्रताप जानियत नीके आप,मोको गति दूसरी न बिधि निरमई ।खीझिबे लायक करतब कोटि कोटि कटु,रीझिबे लायक तुलसी की निलजई