Pad (पद) अवधी • Awadhi
मेरो कह्यो सुनि पुनि भावै तोहि करि सो ।चारिहूँ बिलोचन बिलोकु तू तिलोक महँ,तेरो तिहुँ काल कहु को है हितू हरि सो ॥नए नए नेह अनुभए देह-गेह बसि,परखे प्रंपंची प्रेम परत उघरि सो ।सुहृद-समाज दगाबाजि ही को सौदा सूत,जब जाको काज तब सिलै पाँय परि सो ॥बिबुध सयाने पहिचाने कै धौं नाहीं नीकेदेत एक-गुन लेत कोटि-गुन भरि सो ।करम धरम स्रम-फल रघुबर बिनु,राख को सो होम है, ऊसर कै सो बरिसो ॥आदि अंत बीच भलो, भलो करै सबही को,जाको जस लोक-बेद रह्यो है बगरि सो ।सीतापति सारिखो न साहिब सील-निधान,कै से कल परै सठ बैठो सो बिसरि सो ॥जीव को जीवन-प्रान, प्रान को परम हितप्रीतम पुनीत कृत नीचन निदरि सो ।तुलसी तोको कृपालु जो कियो कोसलपालचित्रकू ट को चरित्र चेतु चित करि सो