Pad (पद) अवधी • Awadhi
कहा न कियो, कहाँ न गयो, सीस काहि न नायो ?राम रावरे बिन भये जन जनमि जनमि जग दुख दसहूँ दिसि पायो ॥आस-बिबस खास दास ह्वै नीच प्रभुनि जनायो ।हाहा करि दीनता कही द्वार द्वार बार बार, परी न छार मुँह बायो ॥असन बसन बिनु बावरो जहँ तहँ उठि धायो ।महिमा मान प्रियप्रान ते तजि खोलि खलनि आगे खिनु खिनु पेट खलायो॥नाथ हाथ कछु नाहि लग्यो लालच ललचायो ।साँच कहौं नाच कौन सो जो न मोहि लोभ लघु हौं निलज नचायो ॥स्रवन नयन मन मग लगे सब थलपति तायो ।मूड़ मारि हिय हारि कै हित हेरि हहरि अब चरन-सरन तकि आयो ॥दसरथ के समरथ तुही त्रिभुवन जस गायो ।तुलसी नमत अवलोकिए बलि बाँह-बोल दै बिरुदावली बुलायो