Bhajan (भजन) अवधी • Awadhi
हाहा री महरि बारो, कहा रिस-बस भई, कोखि के जाए सों रोषु केतो बड़ो कियो है।ढीली करि दाँवरी, बावरी साँवरेहि देखि, सकुचि सहमि सिसु भारी भय भियो है॥दध ू दधि माखन भो, लाखन गोधन धन जब ते जनम हलधर हरि लियो है।खायो, कै खवायो, कै बिगार्यो ढार्यो लरिका री, ऐस सुत पर कोह, कैसो तेरो हियो है? ॥मुनि कहैं सुकृती न नंद जसुमति सम, न भयो, न भावी, नहिं विद्यमान बियो है।कौन जानै कौने तप, कौने जाग जाग जप कान्ह सो सुवन तोको महादेव दियो है॥इन्हहीं के आए ते बधाए ब्रज नित नए, नादत बाढ़त सब सब सुख जियो है।नंदलाल-बाल-जस संत-सुर-सरबस गाइ सो अमिय रस तुलसिहु पियो है॥16॥