Pad (पद) अवधी • Awadhi
सिव! सिव! होइ प्रसन्न करु दाया ।करुनामय, उदार-कीरति,बलि जाउँ! हरहु निज माया ॥जलज-नयन,गुन-अयन,मयन-रिपु,महिमा जान न कोई ।बिनु तव कृपा राम-पद-पंकज सपनेहुँ भगति न होई ॥ऋषय सिद्ध मुनि मनुज दनुज सुर अपर जीव जग माहीं ।तव-पद-बिमुख न पार पाव कोउ कलप कोटि चलि जाहीं ॥अहिभूषन, दूषन-रिपु-सेवक, देव-देव, त्रिपुरारी ।मोह-निहार -दिवाकर, संकर, सरन-सोक-भयहारी ॥गिरिजा-मन-मानस-मराल, कासीस, मसान-निवासी ।तुलसिदास हरि-चरन-कमल, हर! देहु भगति अबिनासी