Pad (पद) अवधी • Awadhi
जय जय भगीरथनन्दिनि, मुनि-चय चकोर-चन्दिनि,नर-नाग-बिबुध-बंदिनि, जय जह्नु बालिका ।बिष्णु-पद-सरोजजासि, ईस-सीस पर बिभासि,त्रिपथगासि, पुन्यरासि, पाप-छालिका ॥बिमल बिपुल बहसि बारि, सीतल त्रयताप-हारि,भँवर बर, बिभंगतर , तरंग-मालिका ।पुरजन-पूजोपहार सोभित ससि-धवल धार,भंजन भव-भार, भक्ति-कल्प-थालिका ॥निज-तटबासी बिहंग, जल-थल-चर पसु पतंग,कीट, जटिल तापस सब सरिस पालिका ।तुलसी तव तीर तीर सुमिरत रघुबंस बीर,बिचरत मति देहि मोह-महिष कालिका!