Pad (पद) अवधी • Awadhi
अब चित चेति चित्रकू टहि चलु ।कोपित कलि, लोपित मंगल-मगु, बिलसत बढ़त मोह-माया-मलु ॥भूमि बिलोकु राम-पद-अंकित, बन बिलोकु रघुबर-बिहार-थलु ।सैल-सृंग भवभंग-हेतु लखु, दलन कपट-पाखंड-दंभ-डलु ॥जहँ जनमे जग-जनक जगतपति बिधि हरि हर परिहरि प्रपंच छलु ।सकृत प्रबेस करत जेहि आस्रम बिगत-बिषाद भए पारथ नलु ॥न करु बिलंब, बिचारु चारु मति, बरष पाछिले सम अगिलो पलु ।मंत्र सो जाइ जपहि जो जपि भे अजर अमर हर अँचइ हलाहलु ॥राम-नाम-जप-जाग करत नित, मज्जत पय पावन पीवत जलु ।करिहैं राम भावतो मन को, सुख-साधन अनयास महा फलु ॥कामदमन, कामता-कल्पतरु सो जुग-जुग जागत जगतीतलु ।तुलसी तोहि बिसेष बूझिए एक प्रतीति, प्रीति, एकै बलु