Pad (पद) अवधी • Awadhi
जयति सच्चिदव्यापकानंद यद्ब्रह्म-विग्रह-व्यक्त लीलावतारी ।विकल ब्रह्मादि,सुर,सिद्ध,संकोचवश,विमल गुण-गेह नर-देह-धारी ॥जयति कोशलाधीश-कल्याण, कोशलसुता कु शल, कै वल्य-फल चारुचारी ।बेद-बोधित कर्म-धर्म-धरनी-धेनु-बिप्र-सेवक साधु-मोदकारी ॥जयति ऋषि-मख-पाल,शमन सज्जन-साल, शापवश मुनिवधू-पापहारी ।भंजि भवचाप, दलि दाप भूपावली, सहित भृगुनाथ नतमाथ भारी ॥जयति धारमिक-धुर धीर-रघुवीर गुर-मातु-पितु-बंधु-वचनानुसारी ।चित्रकू टाद्रि-विन्ध्याद्रि-दंडकविपिन-धन्यकृत, पुन्यकानन-बिहारी ॥जयति पाकारिसुत-काक-करतूति-फलदानि, खनि गर्त गोपित बिराधा।दिव्य-देवी-वेष देखि, लखि निशिचरी जनु विडंबित करी विश्वबाधा ॥जयति खर-त्रिशिर-दूषण चतुर्दश-सहस-सुभट-मारीच-संहारकर्ता ।गृध्र-शबरी-भक्ति-विवश करुणासिंधु, चरित-निरुपाधि, त्रिविधार्तिहर्ता ॥जयति मद-अंध कु कबंध बधि, बालि बलशालि बधि, करन सुग्रीव राजा ।सुभट-मर्क ट-भालु-कटक-संघट सजत, नमत, पद रावणानुज निवाजा ॥जयति पाथोधि-कृत-सेतु कौतुक हेतु, काल-मन अगम लई ललकि लंका ।सकु ल सानुज सदल दलित दशकं ठ रण, लोक-लोकप किए रहित-शंका ॥जयति सौमित्रि-सीता-सचिव-सहित चले पुष्पकारुढ निज राजधानी ।दासतुलसी मुदित अवधबासी सकल, राम भे भूप, वैदेहि रानी