Pad (पद) अवधी • Awadhi
माधव जू मो सम मंद न कोऊ ।जद्यपि मीन पतंग हीनमति मोहि नहिं पूजहिं ओऊ ॥रुचिर रुप-आहार-बस्य उन पावक लोह न जान्यो ।देखत बिपति बिषय न तजत हौं, तातें अधिक अजान्यो ॥महामोह-सरिता अपार महँ संतत फिरत बह्यो ।श्रीहरि-चरन-कमल नौका तजि फिरि फिरि फे न गह्यो ॥अस्थि पुरातन छु धित स्वान अति ज्यौं भरि मुख पकर्यो ।निज तालूगत रुधिर पान करि मन संतोष धर्यो ॥परम कठिन भव-ब्याल-ग्रसित हौं, त्रसित भयो अति भारी ।चाहत अभय भेक सरनागत खगपति-नाथ बिसारी ॥जलचर बृंद जाल-अंतरगत होत सिमिटि इक पासा ।एकहि एक खात लालच-बस, नहिं देखत निज नासा ॥मेरे अघ सारद अनेक जुग गनत पार नहिं पावै ।तुलसिदास पतित-पावन प्रभु यह भरोस जिय आवै