Pad (पद) अवधी • Awadhi
हे हरि ! कवन जतन भ्रम भागै ?देखत सुनत बिचारत यह मन निज सुभाव नहिं त्यागै ॥भगति, ज्ञान, बैराग्य सकल साधन यहि लागि उपाई ।कोउ भल कहउ, देउ कछु कोऊ, असि बासना न उर तें जाई ॥जेहि निसि सकल जीव सूतहिं तव कृपापात्र जन जागै ।निज करनी बिपरीत देखि मोहिं समुझि महा भय लागै ॥जद्यपि भगन-मनोरथ बिधि-बस सुख इच्छत दुख पावै ।चित्रकार करहीन जथा स्वारथ बिनु चित्र बनावै ॥हृषीके श सुनि नाउँ जाउँ बलि, अति भरोस जिय मोरे ।तुलसिदास इंद्रिय-संभव दुख हरे बनिहिं प्रभु तोरे