Pad (पद) अवधी • Awadhi
जौ निज मन परिहरै बिकारा ।तौ कत द्वैत-जनित संसृति-दुख, संसय, सोक अपारा ॥सत्रु मित्र मध्यस्थ तीनि ये मन कीन्हे बरिआई ।त्यागन गहब उपेच्छनीय अहि हाटक तृन की नाई ॥असन, बसन, बसु , बस्तु बिबिध बिधि सब मनि महँ रह जैसे ।सरग, नरक, चर अचर लोक बहु बसत मध्य मन तैसे ॥बिटप मध्य पुत्रिका , सूत्र महँ कं चुकि बिनहिं बनाए ।मन महँ तथा लीन नाना तनु, प्रगटत अवसर पाए ॥रघुपति-भगति-बारि-छालित-चित बिनु प्रयास ही सूझै ।तुलसिदास कह चिद-बिलास जग बूझत बूझत बूझै