Pad (पद) अवधी • Awadhi
अस कछु समुझि परत, रघुराया !बिनु तव कृपा दयालु दास-हित मोह न छू टै माया ॥बाक्य-ज्ञान अत्यंत निपुन भव-पार न पावै कोई ।निसि गृह मध्य दीप की बातन तम निबृत नहिं होई ॥जैसे कोइ इक दीन दुखित अति असन-हीन दुख पावै ।चित्र कल्पतरु कामधेनु गृह लिखे न बिपति नसावै ॥षट रस बहु प्रकार भोजन कोउ दिन अरु रैनि बखानै ।बिनु बोले संतोष-जनित सुख खाइ सोइ पै जानै ॥जब लगि नहिं निज हृदि प्रकास, अरु बिषय-आस मन माहीं ।तुलसिदास तब लगि जग-जोनि भ्रमत सपनेहुँ सुख नाहीं