Pad (पद) अवधी • Awadhi
मै हरि, साधन करइ न जानी ।जस आमय भेषज न कीन्ह तस, दोष कहा दिरमानी ॥सपने नृप कहँ घटै बिप्र-बध, बिकल फिरै अघ लागे ।बाजिमेध सत कोटि करै नहिं सुद्ध होइ बिनु जागे ॥स्रग महँ सर्प बिपुल भयदायक प्रगट होइ अबिचारे ।बहु आयुध धरि, बल अनेक करि हारहिं, मरै न मारे ॥निज भ्रम ते रबिकर-सम्भव सागर अति भय उपजावै ।अवगाहत बोहोत नौका चढ़ि कबहुँ पार न पावै ॥तुलसिदास जग आपु सहित जब लगि निर्मूल न जाई ।तब लगि कोटि कलप उपाय करि मरिय, तरिय नहिं भाई