Pad (पद) अवधी • Awadhi
हे हरि ! यह भ्रम की अधिकाई ।देखत सुनत कहत समुझत संसय संदेह न जाई ॥जो जग मृषा, ताप-त्रय-अनुभव होहिं कहहु के हि लेखे ।कहि न जाय मृगबारि सत्य, भ्रम तें दुख होइँ बिसेखे ॥सुभग सेज सोवत सपने, बारिधि बूड़त भय लागै ।कोटिहुँ नाव न पार पाव कोउ जब लगि आपु न जागै ॥अनबिचार रमनीय सदा, संसार भयंकर भारी ।सम संतोष दया बिबेक तें व्यवहारी सुखकारी ॥तुलसिदास सब बिधि-प्रपंच जग जदपि झूठ स्रुति गावै ।रघुपति-भगति संत-संगति बिनु को भव-त्रास नसावै