Pad (पद) अवधी • Awadhi
राम सनेही सों तैं न सनेह कियो ।अगम जो अमरनि हूँ सो तनु तोहिं दियो ॥दियो सुकु ल जनम सरीर सुंदर हेतु जो फल चारि को ।जो पाइ पंडित परमपद पावत पुरारि मुरारि को ॥यह भरतखंडसमीप सुरसरि, थल भली, संगति भली ।तेरी कु मति बायर कलप-बल्ली चहति बिष-फल फली ॥अजहूँ समुझि चित दै सुनु परमारथ ।है हित सो जगहूँ जाहि तें स्वारथ ॥स्वारथहि प्रिय, स्वारथ सो काते, कौन बेद बखानई ।देखु खल, अहि-खेल परिहरि सो प्रभुहि पहिचानाई ॥पितु,मातु गुरु, स्वामी, अपनपो, तिय, तनय, सेवक, सखा ।प्रिय लगत जाके प्रेम सों बिनु हेतु हित नहिं तैं लखा ॥दूरि न सो हितू हेरि हिये ही है ।छलहि छाँड़ि सुमिरे छोह किए ही है ।किए छोह छाया कमल कर की भगतपर भजतहि भजै ।जगदीस जीवन जीव को जो साज सब सबको सजै ॥हरिहि हरिता, बिधिहि बिधिता, सिवहि सिवता जो दई ।सोइ जानकी-पति मधुर मूरति मोदमय मंगल मई ॥ठाकु र अतिहि बड़ो सील सरल सुठि ।ध्यान-अगम सिव हू,भेट्यो के वट उठि ॥भरि अंक भेट्यो सजल नयन सनेह सिथिल सरीर सों ।सुर सिद्ध मुनि कबि कहत कोउ न प्रेमप्रिय रघुबीर सो ।खग सबरि निसिचर भालु कपि किए आपु तें बंदित बड़े ।तापर तिनकी सेवा सुमिरि जिय जात जनु सकु चनि गड़े ॥स्वामीको सुभाव कह्यो सो जब उर आनिहै ।सोच सकल मिटिहैं, राम भलो मन मानिहैं ॥भलो मानिहैं रघुनाथ जोरि जो हाथ माथो नाइहै ।ततकाल तुलसीदास जीवन जनम को फल पाइहै ॥जपि नाम करहि प्रनाम कहि गुन-ग्राम,रामहिं धरि हिये ।बिचरहि अवनि अवनीस-चरन-सरोज मन मधुकर किये