Pad (पद) अवधी • Awadhi
लाज न लागत दास कहावत ।सो आचरन बिसारि सोच तजि जो हरि तुम कहँ भावत ॥सकल संग तजि भजत जाहि मुनि जप तप जाग बनावत ।मो सम मंद महा खल पाँवर कौन जतन तेहि पावत ॥हरि निर्मल, मल-ग्रसित हृदय, असमंजस मोहि जनावत ।जेहि सर काक कं क बक सूकर क्यों मराल तहँ आवत ॥जाकी सरन जाइ कोबिद दारुन त्रयताप बुझावत ।तहूँ गए मद मोह लोभ अति सरगहुँ मिटत न सावत ॥भव-सरिता कहँ नाउ संत यह कहि औरनि समुझावत ।हौं तिन सों करि परम बैर हरि तुम सों भलो मनावत ॥नाहिंन और ठौर मो कहँ तातें हठि नातो लावत ।राखु सरन उदार-चूड़ामनि तुलसिदास गुन गावत