Pad (पद) अवधी • Awadhi
कौन जतन बिनती करिए ।निज आचरन बिचारि हारि हिय मानि जानि डरिए ॥जेहि साधन हरि द्रवहु जानि जन सो हठि परिहरिए ।जाते बिपति-जाल निसि दिन दुख तेहि पथ अनसरिए ॥जानत हूँ मन बचन कर्म पर-हित कीन्हें तरिए ।सो बिपरीत देखि पर-सुख बिनु कारन ही जरिए ॥स्रुति पुरान सब को मत यह सतसंग सुदृढ़ धरिए ।निज अभिमान मोह ईर्षा बस तिनहिं न आदरिए ॥संतत सोइ प्रिय मोहिं सदा जातें भव-निधि परिए ।कहौं अब नाथ! कौन बल तें संसार-सोग हरिए ॥जब कब निज करुना सुभाव तें द्रवहु तौ निस्तरिए ।तुलसिदास बिस्वास आनि नहिं, कत पचि-पचि मरिए