Pad (पद) अवधी • Awadhi
काहे न रसना रामहि गावहि ?निसि दिन पर-अपवाद बृथा कत रटि-रटि राग बढ़ावहि ॥नरमुख सुंदर मंदिर पावन बसि जनि ताहि लजावहि ।ससि समीप रहि त्यागि सुधा कत रबिकर-जल कहँ धावहि ॥काम-कथा कलि-कै रव-चंदनि सुनत स्रवन दै भावहि ।तिनहिं हटकि कहि हरि-कल-कीरति करन कलंक नसावहि ॥जातरूप मति जुगति रुचिर मनि रचि रचि हार बनावहि ।सरन-सुखद रबिकु ल-सरोज-रबि राम-नृपहि पहिरावहि ॥बाद-बिबाद-स्वाद तजि भजि हरि सरस चरित चित लावहि ।तुलसिदास भव तरहि, तिहुँ पुर तू पुनीत जस पावहि