Pad (पद) अवधी • Awadhi
तब तुम मोहूँ से सठनि को हठि गति न देते ।कै सेहुँ नाम लेहि कोउ पामर सुनि सारद आगे ह्वै लेते ॥पाप-खानि जिय जानि अजामिल जमगन तमकि तये ताको भे ते ।लियो छु ड़ाइ, चले कर मींजत, पीसत दाँत गए रिस-रेते ॥गौतम-तिय, गज, गीध, बिटप, कपि हैं नाथहिं नीके मालुम जेते ।तिन्ह के काज साधु समाजु तजि कृपासिंधु तब तब उठि गे ते ॥अजहुँ अधिक आदर येहि द्वारे, पतित पुनीत होत नहिं के ते ।मेरे पासंगहु न पूहिहैं, ह्वै गए, है, होने खल जेते ॥हौं अबलौं करतूति तिहारिय चितवत हुतो न रावरे चेते ।अब तुलसी पूतरो बाँधिहै सहि न जात मोपै परिहास एते