Pad (पद) अवधी • Awadhi
याहि ते मैं हरि! ज्ञान गँवायो ।परिहरि हृदय-कमल रघुनाथहि बाहर फिरत बिकल भयो धायो ॥ज्यों कु रंग निज अंग रुचिर मद अति मतिहीन मरम नहिं पायो ।खोजत गिरि, तरु, लता, भूमि, बिल परम सुगंध कहाँ तें आयो ॥ज्यों सर बिमल बारि परिपूरन, ऊपर कछु सिवार तृन छायो ।जारत हियो ताहि तजि हौं सठ, चाहत यहि बिधि तृषा बुझायो ॥ब्यापत त्रिबिध ताप तनु दारुन तापर दुसह दरिद्र सतायो ।अपनेहि धाम नाम-सुरतरु तजि बिषय-बबूर-बाग मन लायो ॥तुम सम ज्ञान-निधान, मोहि सम मूढ़ न आन पुराननि गायो ।तुलसिदास प्रभु यह बिचारि जिय कीजै नाथ उचित मन भायो