Pad (पद) अवधी • Awadhi
लोक बेद हूँ बिदित बात सुनि समुझि ।मोह-मोहित बिकल मति थिति न लहति ।छोटे बड़े, खोटे खरे, मोटेऊ दूबरे,राम! रावरे निबाहे सबही की निबहति ॥होती जो आपने बस रहती एकही रसदूनी न हरख सोक सांसति सहति ।चहतो जो जोई जोई लहतो सो सोई सोई,के हू भाँति काहू की न लालसा रहति ॥करम काल सुभाव गुन दोष जीव जग मायातें सो सभय भौंह चकित चहति ।ईसन, दिगीसनि, जोगीसनि, मुनीसनि हूँ,छोड़ति छोड़ाये तें, गहाये तें गहति ॥सतरंज को सो राज , काठ को सबै समाज,महाराज बाजी रची प्रथम न हति ।तुलसी प्रभु के हाथ हारिबो जीतिबो नाथ!बहु बेष बहु मुख सारदा कहति