Pad (पद) अवधी • Awadhi
रावरी सुधारी जो बिगारी बिगरैगी मेरी, ।कहौं, बलि, बेद की न लोक कहा कहैगो ?प्रभु को उदास-भाव जन को पाप-प्रभावदुहू भाँति दीनबन्धु ! दीन दुख दहैगो ॥मैं तो दियो छाती पबि,लयो कलिकाल दबि,साँसति सहत परबस को न सहैगो ?बाँकी बिरुदावली बनैगी पाले ही कृपालु !अंत मेरो हाल हेरि यौं न मन रहैगो ॥करमी, धरमी, साधु, सेवक, बिरत, रत,आपनी भलाई थल कहाँ कौन लहैगो ?तेरे मुँह फे रे मोसे कायर कपूत कू र,लटे लटपटेनि को कौन परिगहैगो ? ॥काल पाय फिरत दसा दयालु ! सब ही की,तोहि बिनु मोहि कबहूँ न कोऊ चहैगो ।बचन करम हिये कहौं राम ! सौंह किए,तुलसी पै नाथ के निबाहे निबहैगो