Pad (पद) अवधी • Awadhi
साहिब उदास भए दास खास खीस होत ,मेरी कहा चली ? हौं बजाय जाय रह्यो हौं ।लोक में न ठाउँ, परलोक को भरोसो कौन ?हौं तो बलि जाउँ रामनाम ही ते लह्यो हौं ॥करम सुभाव काम कोह लोभ मोहग्राह, अति गहनि गरीबी गाढ़े गह्यो हौं ।छोरिबे को महाराज, बाँधिबे को कोटि भट,पाहि! प्रभु पाहि! तिहुँ ताप पाप दह्यो हौं ॥रीझि बूझि सबकी, प्रतीति प्रीति एही द्वार,दूध को जर्यो पियत फूँ कि फूँ कि मह्यो हौं ।रटत-रटत लट्यो, जाति पाँति भाँति घट्यो,जूठनि को लालची चहौं न दूध नह्यो हौं ॥अनत चह्यो न भलो, सुपथ सुचाल चल्यो,नीके जिय जानि इहाँ भलो अनचह्यो हौं ।तुलसी समुझि समुझायो मन बार बार,अपनो सो नाथ हू सों कहि निरबह्यो हौं