Pad (पद) अवधी • Awadhi
पन करि हौं हठि आजु तें राम द्वार पर्यो हौं ।‘तू मेरो’ यह बिन कहे उठिहौ न जनम भरि, प्रभु की सौ करि निर्यो हौं ॥दै दै धक्का जमभट थके , टारे न टर्यो हौं ।उदर दुसह साँसति सही बहु बार जनमि जग नरक निदरि निकर्यो हौं ॥हौं मचला लै छाड़िहौं जेहि लागि अर्यो हौं ।तुम दयालु बनिहै दिए बलि, बिलंब न कीजिए जात गलानि गर्यो हौं ॥प्रगट कहत जो सकु चिए, अपराध भर्यो हौं ।तौ मन में अपनाइए तुलसीहिं कृपा करि, कलि बिलोकि हहर्यो हौं