Pad (पद) अवधी • Awadhi
तुम अपनायो तब जानिहौं जब मन फिरि परिहै ।जेहि सुभाव बिषयनि लग्यो तेहि सहज नाथ सो नेह छाँड़ि छल करिहै ॥सुत की प्रीति, प्रतीति मीत की नृप ज्यों उर डरि है ।अपनो सो स्वारथ स्वामि सों चहुँ बिधि चातक ज्यों एक टेकते नहिं टरिहै॥हरषिहै न अति आदरे, निदरे न जरि मरिहै ।हानि लाभ दुख सुख सबै सम चित हित अनहित कलि-कु चाल परिहरिहै ॥प्रभु-गुन सुनि मन हरषिहै, नीर नयननि ढरिहै ।तुलसिदास भयो राम को बिस्वासप्रेम लखि आनँद उमगि उर भरिहै