Pad (पद) अवधी • Awadhi
कबहुँ सो कर-सरोज रघुनायक धरिहौ, नाथ! सीस मेरे ।जेहि कर अभय किए जन आरत बारक बिबस नाम टेरे ॥जेहि कर-कमल कठोर संभुधन भंजि जनक-संसय मेट्यो ।जेहि कर-कमल उठाइ बंधु ज्यों परम प्रीती के वट भेंट्यो ॥जेहि कर-कमल कृपालु गीध कहँ पिंडोदक दै धाम दियो ।जेहि कर बालि बिदारि दास-हित, कपिकु ल-पति सुग्रीव कियो ॥आयो सरन सभीत बिभीषन जेहि कर-कमल तिलक कीन्हों ।जेहि कर गहि सर चाप असुर हति अभयदान देवन दीन्हों ॥सीतल सुखद छाँह जेहि कर की मेटति पाप, ताप, माया ।निसि बासर तेहि कर-सरोज की चाहत तुलसिदास छाया