वैराग्य संदीपनी
Back to Work अवधी (Awadhi)
दोहा १
राम बाम दिसि जानकी लखन दाहिनी ओर।
ध्यान सकल कल्यानमय सुरतरु तुलसी तोर॥1॥
दोहा २
तुलसी मिटै न मोहतम, किये कोटि गुनग्राम।
हृदय-कमल फूलै नहीं, बिनु रवि-कुल-रवि राम॥ 2॥
दोहा ३
सुनत लखत श्रुति नयन बिनु, रसना बिनु रस लेत।
बास नासिका बिनु लहै, परसै बिना निकेत॥ 3॥
सोरठा ४
अज अद्वैत अनाम, अलख रूप गुनरहित जो।
मायापति सोइ राम, दास-हेतु नर-तुन धरेउ॥ 4॥
दोहा ५
तुलसी यह तनु खेत है, मन वच कर्म किसान।
पाप पुन्य द्वै बीज हैं, बवै सो लवै निदान॥ 5॥
दोहा ६
तुलसी यह तन तवा है, तपत सदा त्रय ताप।
सांति होहि जब सांतिपद, पावै रामप्रताप॥ 6॥
दोहा ७
तुलसी वेद-पुरान-मत, पूरन सास्त्र बिचार।
यह बिराग-संदीपिनी, अखिल ज्ञान को सार॥ 7॥
दोहा ८
सरल बरन भाषा सरल, सरल अर्थमय मानि।
तुलसी सरलै संतजन, ताहि परी, पहिचानि॥ 8॥
चौपाई ९
अति सीतल अति ही सुखदाई। सम दम रामभजन अधिकाई।
जड़ जीवन को करै सचेता। जग महँ बिचरत है एहि हेता॥ 9॥
दोहा १०
तुलसी ऐसे कहुँ कहूँ, धन्य धरिन बहु संत।
परकाजै परमारथी, प्रीति लिये निबहंत॥ 10॥
दोहा ११
की मुख पट दीन्हें रहै, यथा अर्थ भाषंत।
तुलसी या संसार में, सो बिचारजुत संत॥ 11॥
दोहा १२
बोले बचन बिचारि कै, लीन्हें संत सुभाव।
तुलसी दख द ु र्व ुचन के, पंथ देत नहिं पाव॥ 12॥
दोहा १३
सत्रु न काहू करि गनै, मित्र गनै नहीं काहि॥
तुलसी यह मत संत को, बोलै समता माहि॥ 13॥
चौपाई १४
अति अनन्य गति इंद्रीजीता। जाको हरि बिनु कतहुँ न चीता॥
मृगतृष्ना सम जग जिय जानी। तुलसी ताहि संत पहिचानी॥ 14॥
दोहा १५
एक भरोसो एक बल, एक आस विस्वास।
राम-रूप-स्वाती-जलद, चातक तुलसीदास॥ 15॥
दोहा १६
सो जन जगत-जहाज है, जाके राग न दोष।
तुलसी तृष्ना त्यागि कै, गहेउ सील संतोष॥ 16॥
दोहा १७
सील गहनि सबकी सहनि, कहनि हीय मुख राम।
तुलसी रहिए एहि रहनि, संत जनन को काम॥ 17॥
दोहा १८
निज संगी निज सम करत, दुरजन मन दुख दून।
मलयाचल हैं संत जन, तुलसी दोषबिहून॥ 18॥
दोहा १९
कोमल वानी संत की, स्रवै अमृतमय आइ।
तुलसी ताहि कठोर मन, सुनत मैन होइ जाइ॥ 19॥
दोहा २०
अनुभव सुख-उत्पति करत, भवभ्रम धरै उठाइ।
ऐसी वानी संत की, जो उर भेदै आइ॥ 20॥
दोहा २१
सीतल वानी संत की, ससि हू ते अनुमान।
तुलसी कोटि तपनि हरै, जो कोउ धारै कान॥ 21॥
चौपाई २२
पाप ताप सब सूल नसावै। मोह-अंध रवि-बचन बहावै॥
तुलसी ऐसे सदगुरु साधू। वेद मध्य गुन बिदित अगाधू॥ 22॥
दोहा २३
तन करि मन करि बचन करि, काहू दषत नाहिं।
तुलसी ऐसे संतजन, रामरूप जग माहिं॥ 23॥
दोहा २४
मुख देखत पातक हरै, परसत कर्म बिलाहिं।
बचन सुनत मन मोहगत, पूरब भाग मिलाहिं॥ 24॥
दोहा २५
अति कोमल अरु विमल रुचि, मानस में मल नाहिं।
तुलसी रत मन होइ रहै, अपने साहिब माहिं॥ 25॥
दोहा २६
जाके मन ते उठि गई, तिल तिल तृष्ना चाहि।
मनसा बाचा कर्मना, तुलसी बंदत ताहि॥ 26॥
दोहा २७
कं चन काँचहि सम गनै, कामिनि काठ पषान।
तुलसी ऐसे संतजन, पृथ्वी ब्रह्म समान॥ 27॥
चौपाई २८
कं चन को मृतिका करि मानत। कामिनि काष्ठ सिला पहिचानत।
तुलसी भूलि गयो रस एहा। ते जन प्रकट राम की देहा॥ 28॥
दोहा २९
आकिंचन, इंद्रियदमन, रमन राम इकतार।
तुलसी ऐसे संतजन, बिरले या संसार॥ 29॥
दोहा ३०
अहंवाद, ‘मैं तैं’ नहीं, दष्टसंग नहिं कोइ।
दख ते द ु ख नहिं ऊपजै, सुख से सुख नहि होइ॥ 30॥
दोहा ३१
सम कं चन काँचै गिनत, सबु मित्र सम दोइ।
तुलसी या संसार में, कहत संतजन सोइ॥ 31॥
दोहा ३२
बिरले बिरले पाइए, माया त्यागी संत।
तुलसी कामी कुटिल कलि, केकी केक अनंत॥ 32॥
दोहा ३३
“मैं तैं” मेट्यो मोह तम, ऊगो आतम-भानु।
संतराज सो जानिए, तुलसी या सहिदानु॥ 33॥
सोरठा ३४
को बरनै मुख एक, तुलसी महिमा संत।
जिन्हके बिमल विवेक, सेष महेस न कहि सकत॥ 34॥
दोहा ३५
महि पत्री करि सिंधु मसि, तरु लेखनी वनाइ।
तुलसी गनपति सों तदपि, महिमा लिखी न जाइ॥ 35॥
दोहा ३६
धन्य धन्य माता पिता, धन्य पुत्रवर सोइ।
तुलसी जो रामहि भजै, जैसेहु कै सेहु होइ॥ 36॥
दोहा ३७
तुलसी जाके बदन तें, धोके उ निकसत राम।
ताके पग की पगतरी, मेरे तनु को चाम॥ 37॥
दोहा ३८
तुलसी भगत सुपच भलो, भजै रैनि दिन राम।
ऊँ चौ कुल केहि काम को, जहाँ न हरि को नाम॥ 38॥
दोहा ३९
अति ऊँ चे भूधरनि पर, भुजगन के अस्थान।
तुलसी अति नीचे सुखद, ऊख अन्न अरु पान॥ 39॥
चौपाई ४०
अति अनन्य जो हरि को दासा। रटै नाम निसि दिन प्रति स्वासा।
तुलसी तेहि समान नहिं कोई। हम नीके देखा सब लोई॥ 40॥
चौपाई ४१
जदपि साधु सबही बिधि हीना। तद्यपि समता के न कुलीना।
यह दिन रैनि नाम उच्चरै। वह नित नाम-अगिनि में जरै॥ 41॥
दोहा ४२
दास रता एक नाम सों, उभय लोक सुख त्यागि।
तुलसी न्यारे ह्वै रहै, दहै न दख की आ ु गि॥ 42॥
दोहा ४३
रैनि को भुषन इंदु है ु , दिवस को भूषन भानु।
दास को भूषन भक्ति है, भक्ति को भूषन ज्ञान॥ 43॥
दोहा ४४
ज्ञान को भूषन ध्यान है, ध्यान को भूषन त्याग।
त्याग को भूषन शांतिपद, तुलसी अमल अदाग॥ 44॥
चौपाई ४५
अमल अदाग सांतिपद सारा। सकल कलेसन करत प्रहारा।
तुलसी उर धारै जो कोई। रहै अनंदसिंधु महँ सोई॥ 45॥
चौपाई ४६
बिबिध-पाप-संभव जो तापा। मिटहिं दोष दख द ु सह कला ु पा।
परम सांति सुख रहै समाई। तहँ उतपात न भेदै आई॥ 46॥
चौपाई ४७
तुलसी ऐसे सीतल संता। सदा रहैं एहि भाँति एकं ता।
कहा करैं खल लोग भुजंगा। कीन्ह्यौं गरलसील जो अंगा॥ 47॥
दोहा ४८
अति सीतल अति ही अमल, सकल कामनाहीन।
तुलसी ताहि अतीत गनि, वृत्ति सांति लयलीन॥ 48॥
चौपाई ४९
जौ कोइ कोप भरै मुख बैना। सन्मुख हतै गिरा शर पैना।
तुलसी तऊ लेस रिस नाहीं। सो सीतल कहिए जगमाहीं॥ 49॥
दोहा ५०
सात दीप नव खंड लौं, तीनि लोक जग माहिं।
तुलसी सांति समान सुख, अपर दसरो नाहिं॥ 50॥
चौपाई ५१
जहाँ साँति सतगुरु की दई। तहाँ क्रोध की जर जरि गई॥
सकल कामबासना बिलानी। तुलसी यहै सांति सहिदानी॥ 51॥
चौपाई ५२
तुलसी सुखद सांति को सागर। संतन गायो करन उजागर॥
तामें तन मन रहै समोई। अहं-अगिनि नहि दाहै कोई॥ 52॥
दोहा ५३
अहंकार की अगिनि में, दहत सकल संसार।
तुलसी बाँचै संतजन, के वल सांति अधार॥ 53॥
दोहा ५४
महा सांतिजल परसि कै, सांत भए जन जोइ।
अहं-अगिनि ते नहिँ दहैं, कोटि करै जो कोइ॥ 54॥
दोहा ५५
तेज होत तन तरनि की, आचरज मानत लोइ।
तुलसी जो पानी भया, बहुर न पावक होइ॥ 55॥
दोहा ५६
जद्यपि सीतल, सम सुखद, जग में जीवन प्रान।
तदपि सांतिजल जनि गनौ, पावक तेज प्रमान॥ 56॥
चौपाई ५७
जरै बरै अरु खीझि खिझावै। राम द्वेष महँ जनम गँवावै॥
सपनेहू सांति नहीं उन देही। तुलसी जहाँ तहाँ व्रत एही॥ 57॥
दोहा ५८
ओह पंडित सोइ पारखी, सोई संत सुजान।
सोई सूर सचेत सो, सोई सुभट प्रमान॥ 58॥
दोहा ५९
सोइ ज्ञानी सोइ गुनी जन, सोई दाता ध्यानि।
तुलसी जाके चित भई, रागद्वेष की हानि॥ 59॥
चौपाई ६०
राग द्वेष की अगिनि बुझानि। काम क्रोध बासना नसानी।
तुलसी जबहिं सांति गृह आई। तब उर ही उर फिरी दोहाई॥ 60॥
दोहा ६१
फिरी दोहाई राम की, गे कामादिक भाजि।
तुलसी ज्यों रवि के उदय, तुरत जात तम लाजि॥ 61॥
दोहा ६२
यह बिराग-संदीपनी, सुजन सुचित सुनि लेहु।
अनुचित बचन विचारि कै, जस सुधारि तस लेहु॥ 62॥
Contributors
𑂄𑂠𑂩𑂹𑂬 𑂫𑂩𑂹𑂧𑂰
सामुदायिक संरक्षण / Community Custodianship
इस अध्याय की अनुवाद स्थिति
Chapter Translation Coverage & Stewardship
यह अध्याय पूर्णतः अनूदित है! आप पाठ की प्रामाणिकता हेतु संशोधन या समीक्षा प्रस्तुत कर सकते हैं।
अनुवाद पूर्णता / Completion: 100% 62/62 छंद अनूदित