श्री कृष्णगीतावली

माता लै उछंग गोबिंदमुख बार बार निरखैं। पुलकित तनु आनंदघन छन छन मन हरषै॥ पूछत तोतरात बात मातहि जदराई। अतिसय सुख जाते तोहिं मोहिं कछु समुझाई॥ देखत तव बदन-कमल मन अनंद होई। कहै कौन रसन मौन जाने कोइ कोई॥ सुंदर मुख मोहिं देखाउ, इच्छा अति मोरे। मम समान पुन्यपुंज बालक नहिं तोरे॥ तुलसी प्रभु प्रेमबस्य मनुज-रूप धारी। बालकेलि लीलारस ब्रजजन-हितकारी॥ 1॥

‘छोटी मोटी मीसी रोटी चिकनी चुपरि कै तू दै री, मैया!’ ‘लै कन्हैया!’ ‘सो कब?’ ‘अबहिं तात।’ ‘सिगरियै हौंहीं खैहौं, बलदाऊ को न दैहौं,’ सो क्यों भटू तेरो कहा कहि इत उत जात ॥ बाल बोलि डहकि बिरावत, चरित लखि, गोपि-गन महरि मुदित पुलकित गात। नूपुर की धुनि किंकिनि को कलरव सुनि, कूदि कूदि किलकि किलकि ठाढ़े ठाढ़े खात ॥ तनिया ललित कटि, बिचित्र टेपारी सीस, मुनि-मन हरत बचन कहै तोतरात। तुलसी निरखि हरषत बरषत फूल भूरिभागी, ब्रजबासी बिबुध सिद्ध सिहात॥ 2॥

तोहिं स्याम की सपथ जसोदा आइ देखु गृह मेर!े जैसी हाल करी यहि ढोटा छोटे निपट अनेर॥ े गोरस-हानि सहौं न कहौं कछु यहि ब्रजबास बसेर।े दिन-प्रति भाजन कौन बेसा है? घर निधि काहूके रे ॥ किए निहोरो हँसत, खिझे तें डाटत नयन तरेर।े अबहीं तें ये सिखे कहाधौं चरित ललित सुत तेरे ॥ बैठो सकुचि साधु भयो चाहत मातु-बदन तन हेर।े तुलसिदास प्रभु कहौं ते बातैं जे कहि भजे सबेरे॥ 3॥

मोकहँ झूठेहु दोष लगावहिं। मैया! इन्हहि बानि परगृह की, नाना जुगुति बनावहिं ॥ इन्हके लिये खेलिबो छाँड़्यौ तउ न उबरन पावहिं। भाजन फोरि, बोरि कर गोरस देन उरहनो आवहिं ॥ कबहुँक बाल रोवाइ पानि गहि, मिस करि उठि उठि धावहिं। करहिं आपु सिर धरहिं आन के बचन बिरंचि हरावहिं ॥ मेरी टेव बूझि हलधर को संतत संग खेलावहिं। जे अन्याउ करहि काहूको ते सिसु मोहि न भावहिं ॥ सुनि सुनि बचन-चातुरी ग्वालिनि हँसि हँसि बदन दरु ावहिं। बाल गोपाल केलि-कल-कीरति तुलसीदास मुनि गावहिं॥ 4॥

कबहुँ न जात पराये धामहिं । खेलत ही देखौं निज आँ गन सदा सहित बलरामहिं ॥ मेरे कहा थाकु गोरस को नव-निधि मन्दिर यामहिं। ठाढ़ी ग्वालि ओरहने के मिस आइ बकहिं बेकामहिं ॥ हौं बलि जाउँ जाहु कितहूँ जनि मातु सिखावति स्यामहिं। बिनु कारन हठि दोष लगावति तात गए गृह तामहिं ॥ हरि मुख निरखि परूष बानी सुनि अधिक अधिक अभिरामहिं। तुलसीदास प्रभु देख्योइ चाहति श्रीउर ललित-ललामहिं॥ 5॥

अब सब साँची कान्ह तिहारी। जो हम तजे पाइ गौं मोहन गृह आए दै गारी॥ सुसकि ु सभीत सकुचि रूखे मुख बातैं सकल सँवारी। साधु जानि हँसि हदय लगाए परम प्रीति महतारी ॥ कोटि जतन करि सपथ कहैं हम मानै कौन हमारी?। तुमहि बिलोकि आन की ऐसी क्यों कहिहैं बर नारी ॥ जैसे हौ तैसे सुखदायक ब्रजनायक बलिहारी। तुलसिदास प्रभु मुखछबि निरखत मन सब जुगुति बिसारी॥ 6॥

थाकु = सीमा। महरि तिहारे पाँय परौं अपनो ब्रज लीजै। सहि देख्यो, तुम सों कह्मो, अब नाकहिं आई, कौन दिनहु दिन छीजै? ग्वालिनि तौ गोरस सुखी ता बिनु क्यों जीजै। सुत समेत पाउँ धारिये, आपुहि भवन मेरे देखिये जो न पतीजै ॥ अति अनीति नीकी नहीं अजहूँ सिख दीजै। तुलसिदास प्रभु सों कहै उर लाइ जसोमति ऐसी बलि कबहूँ नहिं कीजै॥ 7॥

अबहिं उरहनो दै गई, बहुरौ फिरि आई। सुनु मैया! तेरी सौं करौं, याको टेव लरन की, सकुच बेंचि सी खाई ॥ या ब्रज में लरिका घने, हौंही अन्याई। मुँह लाए मूड़हिं चढ़ी अंतहु अहिरिनि तू सूधी करि पाई ॥ सुनि सुत की अति चातुरी जसुमति मुसुकाई। तुलसिदास ग्वालिनि ठगी, आयो न उतर कछु, कान्ह ठगौरी लाई॥ 8॥

अब ब्रजबास महरि किमि कीबो? दध ू दह्योउ माखन ढारत हैं हुतो पोसात दान दिन दीबो ॥ अब तौ कठिन कान्ह के करतब, तुम्ह हौ हँसति कहा कहि लीबो? लीजै गाँउ, नाउँ लै रावरो है जग ठाउँ कहूँ है जीबो ॥ ग्वालिबचन सुनि कहति जसोमति, ‘भलो न भूमि पर बादर छीबो। दैअहि लागि कहौं तुलसी प्रभु अजहुँ न तजत पयोधर पीबो’॥ 9॥

जानी है ग्वालि परी फिरि फीके। मातुकाज लागी लखि डाँटत, ‘है बायनो दियो घर नीकें ॥ अब कहि देउँ, कहति किन’, यों कहि माँगत दही धर्‌यो जो छीकें ॥ तुलसी प्रभु-मुख निरखि रही चकि, रह्यो न सयानप तन मन ती के॥ 10॥

जौलौं हौं कान्ह! रहौं गुन गोए। तौलौं तुमहि पत्यात लोग सब, सुसकि ु सभीत साँचु सो रोए ॥ हौ भले नग-फँग परे गढ़ीबै, अब ए गढ़त महरि मुख जोए। चुपकि न रहत, कहै कछु चाहत, ह्वैहै कीच कोठिला धोए ॥ गरजति कहा तरजनिन्ह तरजति बरजति सैन नयन के कोए। तुलसी मुदित मातु सुत-गति लखि विथकी है ग्वालि मैन-मन-मोए॥ 11॥

भूलि न जात हौं काहूके काऊ। साखि सखा सब सुबल, सुदामा, देखिधौं बूझि बोलि बलदाऊ ॥ यह तो मोहि खिझाइ कोटि बिधि उलटि बिबादन आइ अगाऊ। याहि कहा मैया मुँह लावति, गनति कि एक लँगरि झगराऊ ॥ कहत परसपर बचन, जसोमति लखि नहिं सकति कपट सति भाऊ। तुलसिदास ग्वालिनि अति नागरि, नट नागर-मनि नंद-ललाऊ॥ 12॥

छाँडो मेरे ललित ललन लरिकाई। ऐहैं सुत! देखव ु ार कालि तेर,े बबै ब्याह की बात चलाई ॥ डरिहैं सासु ससुर चोरी सुनि, हँसिहैं नई दल ु हिया सुहाई। उबटौं न्हाहु, गुहौं चुटिया, बलि, देखि भलो बर करिहिं बड़ाई॥ मातु कह्यो करि कहत बोलि दै, भइ बड़ि बार कालि तौ न आई। जब सोइबो तात यों हाँकहि, नयन मीचि रहे पौढ़ि कन्हाई॥ उठि कह्यो भोर भयो झँगुली दै, मुदित महरि लखि आतुरताई। बिहँसी ग्वालि जानि तुलसी प्रभु सकुचि लगे जननी उर धाई॥ 13॥

हरि को ललित बदन निहारु निपट हीं डाँटति निठु र ज्यों लकुट कर तें डारु ॥ मंजु अजन सहित जल-कन चुवत लोचन चारु। स्याम-सारस मग मनो ससि स्रवत सुधा सिंगारु ॥ सुभग उर दधिबुंद सुंदर लखि अपनपौ वारु। मनहुँ मरकत-मृद-ु सिखर पर लसत बिसद तुषारु ॥ कान्हहू पर सतर भोंहें, महरि मनहिं बिचारु। दास तुलसी रहति क्यों रिस निरखि नंदकुमार॥ 14॥

लेत भरि भरि नीर कान्ह कमल नैन । फरक अधर डर, निरखि लकुट कर, कहि न सकत कछु बैन ॥ दस ु ह दाँवरी छोरि, थोरी खोरि कहा कीन्हो, चीन्हो री सुभाय तेरो आजु लगे माई मैं न । तुलसिदास नंद-ललन ललित लखि रिस क्यों रहति उर-ऐन॥ 15॥

हाहा री महरि बारो, कहा रिस-बस भई, कोखि के जाए सों रोषु केतो बड़ो कियो है। ढीली करि दाँवरी, बावरी साँवरेहि देखि, सकुचि सहमि सिसु भारी भय भियो है॥ दध ू दधि माखन भो, लाखन गोधन धन जब ते जनम हलधर हरि लियो है। खायो, कै खवायो, कै बिगार्‌यो ढार्‌यो लरिका री, ऐस सुत पर कोह, कैसो तेरो हियो है? ॥ मुनि कहैं सुकृती न नंद जसुमति सम, न भयो, न भावी, नहिं विद्यमान बियो है। कौन जानै कौने तप, कौने जाग जाग जप कान्ह सो सुवन तोको महादेव दियो है॥ इन्हहीं के आए ते बधाए ब्रज नित नए, नादत बाढ़त सब सब सुख जियो है। नंदलाल-बाल-जस संत-सुर-सरबस गाइ सो अमिय रस तुलसिहु पियो है॥ 16॥

ललित लालन निहारि, महरि मन बिचारि, डारि दै घर-बसी लकुटी बेगि कर तें। कछु न कहि सकत, सुसुकत सकुचत, घर-बसी = व्यंग्य से घर उजाड़ने वाली। डरहूँ को डर, कान्ह डरै तेरे डर तें ॥ कह्यौ मेरो मानि, हित जानि, तू सयानी बड़ी, बड़े भाग पायो पूत बिधि हरि हर तें। ताहि बाँधिबे को धाई, ग्वालिन गोरसहाँई लै लै आई बावरी दाँवरी घर-घर तें ॥ कुल-गुरु-तिय के बचन कमनीय सुनि, सुधि भए बचन जे सुने मुनिबर तें। छोर लिये लाय उर, बरषैं सुमन सुर, मंगल है तिहूँ पुर हरि हलधर तें ॥ आनँद-बधावनो मुदित गोप गोपीगन, आजु परी कुसल कठिन करवर तें। तुलसी जे तोरे तरु किए देव, दिये बरु, कै न लह्यो कौन फरु देव दामोदर तें॥ 17॥

ब्रज पर घन घमंड करि आए। अति अपमान बिचारि आपनो कोपि सुरस े पठाए ॥ दमकति दस ु ह दसहुँ दिसि दामिनि भयो तम गगन गँभीर। गरजत घोर बारिधर धावत प्रेरित प्रबल समीर ॥ बार बार पबिपात, उपल घन बरषत बूँद बिसाल। सीत-सभीत पुकारत आरत गो गोसुत गोपी ग्वाल ॥ राखहु राम कान्ह यहि अवसर दस ु ह दसा भइ आइ। नंद विरोध कियो सुरपति सों सो तुम्हरो बल पाइ ॥ सुनि हैंसि उठ्यो नंद को नाहरु, लियो कर कुधर उठाइ। तुलसिदास मघवा अपनी सों करि गयो गर्व गँवाइ॥ 18॥

टेरि कान्ह गोबर्धन चढ़ि गैया। मथि मथि पियो बारि चारिक मैं भूख न जाति अघाति न घैया ॥ सैल-सिखर चढ़ि चितै चकित चित अति हित बचन कह्यौ बलभैया। बाँधि लकुट पट फेरि बोलाई ं सुनि कल बेनु धेनु धुकि धैया ॥ बलदाऊ देखियत दरि ू तें आवति छाक पठाई मेरी मैया। किलकि सखा सब नचत मोर ज्यों, कूदत कपि कुरंग की नैया ॥ खेलत खात परसपर डहकत, छीनत कहत करत रोगदैया । तुलसी बालकेलि-सुख निरखत बरषत सुमन सहित सुरसैया॥ 19॥

रोगदैया = अन्याय, बेईमानी। (राग नट) गावत गोपाल-लाल नीकें राग नट हैं। चलि री आलि देखन लोयन-लाहु पेखन ठाढ़े सुरतरु तर तटिनी के तट हैं ॥ मोरचंदा चारु सिर मंजु गुंजा-पुंज धरें बानि बन-धातु तन ओढ़े पीत पट हैं। मुरली तान-तरँग मोहे कुरंग बिहंग, जोहैं मूरति त्रिभंग निपट निकट हैं ॥ अंबर अमर हरषत बरषत फूल, स्नेह सिथिल गोप गाइन्ह के ठट हैं। तुलसी प्रभु निहारि जहाँ तहाँ ब्रज नारि ठगी ठाढ़ी मग लिये रीते भरे घट हैं॥ 20॥

देखु सखी हरि-बदन इंद-ु पर। चिक्कन कुटिल अलक अवली-छबि, कहि न जाइ सोभा अनूप बर॥॥ बाल-भुअगि ं नि-निकर मनहुँ मिलि रहीं घेरि रस जानि सुधाकर। तजि न सकहिं नहिं करहिं पान कहो कारन कौन बिचारि डरहिं डर ॥ अरून बनज-लोचन, कपोल सुभ, स्रुति मंडित कंु डल अति सुंदर। मनहुँ सिंधु निज सुतहि मनावन पठए जुगुल बसीठ बारिचर ॥ नंदनँदन मुख की सुंदरता कहि न सकत स्रुति सेष उमाबर। तुलसिदास त्रैलोक्य-बिमोहन रूप कपट नर त्रिबिध-सूलहर॥ 21॥

आजु उनीदे आए मुरारी। आलसवंत सुभग लोचन सखि छिन मूँदत, छिन देत उघारी ॥ मनहुँ इंद ु पर खंजरीट दोउ कछुक अरुन बिधि रचे सँवारी। कुटिल अलक जनु मार फंद कर गहे सजग ह्वै रह्यो सँभारी ॥ मनहुँ उड़न चाहत अति चंचल पलक पंख छिन देत पसारी। नासिक कीर, बचन पिक सुनि करि संगति मनु गुनि रहत बिचारी ॥ रुचिर कपोल, चारु कंु डल बर, भ्रुकुटि सरासन की अनुहारी। परम चपल तेहि त्रास मनहुँ खग प्रगटत दरु त न मानत हारी ॥ जदपु ति मुखछबि कलप कोटि लगि कहि न जाइ जाकें मुख चारी। तुलसिदास जेहि निरखि ग्वालिनी भजीं तात पति तनय बिसारी॥ 22॥

गोपाल गोकुल बल्लवी प्रिय गोप गोसुत बल्लभं। चरनारबिंद महं भजे भजनीय सुर-मुनि-दर्ल ु भं ॥ घनश्याम काम अनेक छबि, लोकभिराम मनोहरं। किंजल्क-बसन, किसोर मूरति, भूरि गुन करुनाकरं ॥ सिर केकि पच्छ बिलोल कंु डल, अरून बनरुह-लोचनं। गुंजावतंस बिचित्र, सब अँग धातु भव भय मोचनं ॥ कच कुटिल, सुंदर तिलक भ्रू राका-मयंक-समाननं। अपहरन तुलसीदास त्रास बिहार बृंदाकाननं॥ 23॥

बिछुरत श्रीब्रजराज आजु इन नयनन की परतीति गई। उड़ि न लगे हरि संग सहज तजि, ह्वै न गए सखि स्याममई ॥ रूप-रसिक लालची कहावत, सो करनी कछु तौ न भई। साँचेहु कूर कुटिल, सित मेचक, बृथा मीनछबि छीनि लई ॥ अब काहें सोचत मोचत, जल, समय गए चित सूल नई। तुलसिदास तब अपहुँ से भए जड़, जब पलकनि हठि दगा दई॥ 24॥

नहिं कछु दोष स्याम को माई! जो दख ु मैं पायों सजनी सुन सो तौ सबै बन की चतुराई ॥ निज हित लागि तबहिं ए बंचक सब अंगनि बसि प्रीति बढ़ाई। लियो जो सब सुख हरि-अँग-सँग को जहँ जेहि बिधि तहँ सोइ बनाई ॥ अब नँदलाल-गवन सुनि मधुबन तनहि तजत नहिं बार लगाई। रुचिर रूप-जल मो रसेस ह्वै मिलि न फिरन की बात चलाई ॥ एहि सरीर बसि सखि वा सठ कहँ कहि न जाइ जो निधि फबि पाई। तदपि कछू उपकार न कीन्हो निज मिलन्यौ नहिं मोहि लिखाई ॥ आपु मिल्यो यहि भाँति जाति तजि, तन मिलयो जल पय की नाई। ह्वै मराल आयो सुफलक-सुत लै गयो छीर नीर बिलगाई ॥ मन हौं तजी, कान्ह हौं त्यागी, प्रानौ चलिहैं परिमिति पाई। तुलसिदास रीतेहु तनु ऊपर नयननि की ममता अधिकाई॥ 25॥

करि है हरि बालक की सी केलि। हरष न रचत, बिषाद न बिगरत, ए डगरि चले हँसि खेलि ॥ बई बनाय बारि बृंदाबन प्रीति सँजीवनि-बेलि। रसेस = लवण, नमक। सींचि सनेह-सुधा खनि काढ़ी लोक-बेद परहेलि ॥ तृन ज्यों तजीं, पालि-तनु ज्यों हम बिधि बासव बल पेलि। एतहुँ पर भावत तुलसी प्रभु गए मोहिनी मेलि॥ 26॥

आलि! अब कहौ जनि नेह निहारि। समुझे सहे हमारो है हित बिधि बामता बिचारि ॥ सत्य सनेह सील सोभा सुख सब गुन उदधि अपारि। देख्यो सुन्यो न कबहुँ काहु कहुँ मीन बियोगी बारि ॥ कहियत काकु कूबरी हूँ को, सो कुबानि बस नारि। बिष तें बिषम बिनय अनहित की सुधा सनेही गारि ॥ मन फेरियत कुतर्क कोटि करि कुबल भरोसे भारि। तुलसी जग दज ू ा न देखियत कान्ह कँु वर अनुहारि॥ 27॥

लागियै रहति, नयननि आगे तें न टरति मोहन मूरति। नील-नलिन स्याम सोभा अगनित काम, पावन हृदय जेहिं उर फूरति ॥ सारद अमित सेष नहीं कहि सकत अंग अँग सूरति। तुलसिदास बड़े भाग मन लागेहु तें सब सुख पूरति॥ 28॥

जब ते ब्रज तजि गये कन्हाई। तब ते बिरह रबि उदित एकरस सखि बिछुरन-बृष पाई ॥ घटत न तेज, चलत नाहिन रथ, रह्यो उर-नभ पर छाई। इन्द्रिय रूप-रासि सोचहि सुठि, सुधि सब की बिसराई ॥ भयो सोक-भय-कोक-कोकनद भ्रम-भ्रमरनि सुखदाई। चित-चकोर, मन-मोर-कुमुद-मुद ु सकल बिकल अधिकाई ॥ तनु-तड़ाग बल-बारि सुखन लाग्यो परि कुरुपता-काई। प्रान-मीन दिन दीन दबू रे, दसा दस ु ह अब आई ॥ तुलसीदास मनोरथ-मन-मृग मरत जहाँ तहँ धाई। राम स्याम सावन भादों बिनु जिय की जरनि न जाई॥ 29॥

ससि तें सीतल मोको लागै माई री! तरनि। याके उए बरति अधिक अँग अँग दव, वाके उए मिटति रजनि-जनित जरनि ॥ सब बिपरीत भए माधव बिनु, हित जो करत अनहित की करनि। तुलसीदास स्यामसुंदर-बिरह की दस ु ह दसा सो मोपैं परति नहीं बरनि॥ 30॥

संतत दख ु द सखी! रजनीकर। स्वारथ-रत तब, अबहुँ एकरस, मोको कबहूँ न भयो तापहर ॥ निज अंसिक सुख लागि चतुर अति कीन्ही है प्रथम निसा सुभ सुंदर। अब बिनु मन, तन दहत दया तजि, राखत रबि ह्वै नयन बारिधर ॥ जद्यपि है दारून बड़वानल राख्यो है जलधि गँभीर धीरतर। ताहू तें परम कठिन जान्यो ससि तज्यो पिता तब भयो ब्योमचर ॥ सकल बिकार-कोस बिरहिनि-रिपु, काहे तें याहि सराहत सुर नर?। तुलसिदास त्रैलाक्य मान्य भयो कारन इहै गह्यो गिरिजाबर॥ 31॥

कोउ सखि नई बात सुनि आई। यह ब्रजभूमि सकल सुरपति सों, मदन मिलिक करि पाई ॥ घन धावन, बग-पाँति पटो-सिर, बैरख-तड़ित सोहाई। बेलत पिक नकीब, गरजनि मिस मानहुँ फिरत दोहाई ॥ चतक मोर चकोर मधुप सुक सुमन समीर सहाई। चाहत कियो बास बृंदाबन बिधि सों कछु न बसाई ॥ सींव न चाँपि सक्यो कोऊ तब जब हुते राम कन्हाई। चाह = चर्चा। अब तुलसी गिरिधर बिनु गोकुल कौन करिहि ठकुराई?॥ 32॥

ऊधो! या ब्रज की दसा बिचारौ। ता पाछे यह सिद्धि आपनी जोग कथा बिस्तारो ॥ जा कारन पठए तुम माधव सो सोचहु मन माहीं। केतिक बीच बिरह परमारथ जानत हौ किधौं नाहीं ॥ परम चतुर निज दास स्याम के संतत निकट रहत हौ। जल बूड़त अवलंब फेन को फिरि फिरि कहा कहत हौ? ॥ वह अति ललित मनोहर आनन कौने जतन बिसारौं। जोग जुगमि ु अरू मुकुति बिबिध बिधि वा मुरली पर वारौं ॥ जेहि उस बसत स्यामसुंदर घन तेहिं निर्गुन कस आवैं। तुलसिदास सो भजन बहावौ जाहि दस ू रो भावै॥ 33॥

मधुकर! कहहु कहन जो पारौ। नाहिंन, बलि, अपराध रावरो, सकुचि साध जनि मारो ॥ नहिं तुम ब्रज बसि नन्दलाल को बालबिनोद निहारो। नाहिन रास-रसिक रस चाख्यो, तात डेल सो डारो ॥ तुलसी जौ न गए प्रीपम सँग प्रान त्यागि तनु न्यारो। तौ सुनिबो देखिबो बहुत अब कहा करम सों चारो?॥ 34॥

ऊधो जू कह्यो तिहारोइ कीबो। नीके जिय की जानि अपनपौ समुझि सिखावन दीबो ॥ स्याम-बियोगी ब्रज के लोगनि जोग जोग जो जानो। तौ सँकोच परिहरि पालागौं परमारथहि बखानो ॥ गोपी गाय ग्वाल गोसुत सब रहत रूप अनुरागे। दीन मलीन छीन तनु डोलत मीन मजा सों लागे ॥ तुलसी है सनेह दख ु दायक, नहिं जानत ऐसो को है?। तऊ न होत कान्ह को सो मन, सबै साहिबहि सोहै॥ 35॥

सो कहौ मधुप! जे मोहन कहि पठई। तुम सकुचत कत? हौं ही नीके जानति, नंदनंदन हो निपट करी सठई ॥ डेल सो डारो = पत्थर सा मारते हो। हुतो न साँचो सनेह, मिट्यो मन को सँदेह हरि परे उघरि, संदेसहु ठठई। तुलसिदास कौन आस मिलन की, कहि गए सो तौ कछु एकौ न चित ठई॥ 36॥

मेरे जान और कछु न मन गुनिए। कूबरीरवन कान्ह कही जो मधुप सों, सोई सिख सजनी ! सुचित दै सुनिए ॥ काहे को करति रोष, देहि धौं कौने को दोष, निज नयननि को बयो सब लुनिए। दारु सरीर, कीट पहिले सुख, सुमिरि सुमिरि बासर निसि धुनिए ॥ ये सनेह सुचि अधिक अधिक रुचि, बरज्यो न करत कितो सिर धुनिए। तुलसीदास अब नंदसुवन हित बिषम बियोग अनल तनु हुनिए॥ 37॥

भली कही, आली हमहुँ पहिचाने। हरि निर्गुन निर्लेप निरपने निपट निठु र, निज-काज सयाने ॥ ब्रज को बिरह, अरु संग महर को, कुबरिहि बरत न नेकु लजाने। समुझि सो प्रीति की रीति स्याम की सोइ बावरि जो परेषो उर आने ॥ सुनत न सिख लालची बिलोचन एतेहु पर रुचि रूप लोभाने। तुलसिदास इहै अधिक कान्ह पहिं नीके ई लागत मन रहत समाने॥ 38॥

जोपै अलि! अंत इहै करिबो हो। तौ अगनित अहीर अबलनि को हठि न हियो हरिबे हो ॥ जौ प्रंपच परिनाम प्रेम फिरि अनुचित आचरिबे हो। तौ मथुराहि महामहिमा लहि सकल ढरनि ढरिबे हो ॥ दै कूबरिहि रूप ब्रज सुधि भए लौकिक डर डरिबे हो। ज्ञान बिराग काल कृत करतब हमरेहि सिर धरिबे हो। उन्हहि राग रबि नीरद-जल ज्यों , प्रभु-परमिति परिबे हो । हमहुँ निठु र-निरूपाधि-नेह-निधि निज भुजबल तरिबे हो ॥ उन्हहिं राग ... ... ज्यों = जैसे, सूर्य ही मेघ के रूप में जल को आकर्षित करता है, पर उससे कोई राग या संबंध नहीं रखता। प्रभु-परमिति परिबे हो = राधा की मर्यादा के पालन में पड़ता था। भलो भयो सब भाँति हमारो एक बार मरिबे हो। तुलसी कान्हबिरह नित नव जर जरि जीवन भरिबे हो॥ 39॥

उधो! यह ह्याँ न कछू कहिबे ही। ज्ञानगिरा कूबरीरवन की सुनि बिचारि गहिबे ही॥ पाइ रजाइ नाइ सिर गृह ह्वै गति परमिति लहिबे ही। मति-मटु की मृगजल भरि घृतहित मनहीं मन महिबे ही॥ गाड़े भली, उखारे अनुचित, बनि आए बहिबे ही । तुलसी प्रभुहिं तुम्हहि हमहूँ हिय साँसति सी सहिबे ही॥ 40॥

मधुकर! कान्ह कही ते न होहीं। कै ये नई सीख सिखई हरि निज-अनुराग बिछोहीं ॥ राखी सचि कूबरी पीठ पर ये बातैं बकुचौहीं । स्याम सो गाहक पाइ सयानी खोलि देखाई है गौ हीं ॥ नागर-मनि सोभा-सागर जेहिं जग जुबती हँसि मोहीं। लियो रूप दै ज्ञान-गाँठरी भलो ठग्यो ठगु ओहीं ॥ बहिवे ही बनि आए = आ पड़ने पर निबाहना ही होगा। बकुचौहीं = बकुचा या गठरी बाँधकर। है निर्गुन सारी बारिक , बलि, घरी करौं , हम जोही। तुलसी ये नागरिन्ह जोग-पट, जिन्हहि आजु सब सोही॥ 41॥

मधुप! तुम्ह कान्ह ही की कही क्यों न कही है? यह बतकही चपल चेरी की निपट चरेरीऐ रही है॥ कब ब्रज तज्यो, ज्ञान कब उपज्यौ? कब बिदेहता लही है? गए बिसरि रीति गोकुल की, अब निर्गुन गति गही है॥ आयसु देहु करहिं सोइ सिर धरि, प्रीति-परमिति निरबही है। तुलसी परमेस्वर न सहैगो, हम अबलनि सब सही है॥ 42॥

दीन्ही है मधुप सबहि सिख नीकी। सोइ आदरौ आस जाके जिय बारि बिलोवत घी की ॥ बुझी बात कान्ह कुबरी की, मधुकर कछु जनि पूछौ। ठालीं ग्वालि जानि पठए, अलि, कह्यो है पछोरन छूछौ ॥ हमहूँ कछुक लखी ही तब की औरेबैं नंदलला की। ये अब लही चतुर चेरी पै चोखी चालि चलाकी ॥ बारिक = बारीक। घरी करौ = तह लगाकर रखो। औरेबैं = टेढ़ी चालें। गए कर तें, घर तें, आँ गन तें, ब्रजहू तें ब्रजनाथ। तुलसी प्रभु गयो चहत मनहु तें सो तो है हमारे हाथ॥ 43॥

ताकी सिख ब्रज न सुनगै ो कोउ भोरे। जाकी कहनि रहनि अनमिल, अलि, सुनत समझियत थोरे ॥ आपु कंज-मकरंद सुधाह्रद हृदय रहत नित बोरे । हम सों कहत बिरह-स्रम जैहे गगन कूप खनि खोरे ॥ धान को गाँव पयार तें जानिय ज्ञान बिषय मन मोरे। तुलसी अधिक कहें न रहै रस गूलरि को सो फल फोरे॥ 44॥

आली! अति अनुचित उतरु न दीजै। सेवक सखा सनेही हरि के जो कछु कहैं सो कीजै ॥ देस-काल उपदेस सँदेसो सादर सब सुनि लीजै। कै समुझिबो, कै ये समुझैहैं हारेहुँ मानि सहीजै ॥ सखि सरोष प्रियदोष बिचारत प्रेम पीन पन छीजै। खग मृग मीन सलभ सरसिज गति सुनि पाहनौ पसीजै ॥ ऊधो परम हितू हित सिखवत परमिति पहुँचि पतीजै। खोरे = स्नान करने से। तुलसिदास अपराध आपनो, नंदलाल बिनु जीजै॥ 45॥

ऊधो हैं बड़े, कहैं सोइ कीजै। अलि, पहिचानि प्रेम की परमिति उतरु फेरि नहिं दीजै ॥ जननी जनक जरठ जाने जन परिजन लोगु न छीजै। दै पठयो पहिलो बिढ़तो ब्रज सादर सिर धरि लीजै ॥ कंस मारि जदबु ंस सुखी कियो, स्रवन सुजस सुनि जीजै। तुलसी त्यों-त्यों होइगी गरूई ज्यों ज्यों कामरि भीजै॥ 46॥

कान्ह, अलि! भए नए गुरु ग्यानी। तुम्हरे कहत आपने समुझत, बात सही उर आनी ॥ लिए अपनाइ लाइ चन्दन तन, कछु कटु चाह उड़ानी । जरी सुँघाइ कूबरी कौतुक करि जोगी बघा-जुड़ानी ॥ ब्रज बसि रास-बिलास, मधुपुरी चेरी सों रति मानी। जोग जोग ग्वालिनी बियोगिनि जान-सिरोमनि जानी ॥ कहिबे कछू कछू कहि जैह,ै रहौ ,आलि! अरगानी। तुलसी हाथ पराए प्रीतम, तुम्ह प्रिय-हाथ बिकानी॥ 47॥

चाह उड़ानी = खबर उड़ी है। बघा-जुड़ानी = व्याघ्र को ठंडा अर्थात् वश में करनेवाली क्रिया। सब मिलि साहस करिय सयानी। ब्रज आनियहिं मनाइ पाँय परि कान्ह कूबरी रानी ॥ बसैं सुबास, सुपास हेहिं सब फिरि गोकुल रजधानी। महरि महर जीवहिं सुख-जीवन खुलहिं मोद-मनि-खानीं ॥ तजि अभियान अनख अपनो हित कीजिय मुनिबर वानी। देखिबो दरस दस ू रेहुँ चौथेहु बड़ो लाभ, लघु हानि ॥ पावक परत निषिद्ध लाकरी होति अनल जग जानी। तुलसी सो तिहुँ भुवन गाइबी नंदसुवन सनमानी॥ 48॥

कही है भली बात सब के मन मानी। प्रिय-सम प्रियसनेह-भाजन, सखि! प्रीति-रीति जग-जानी ॥ भूषन भूति गरल परिहरि कै हरमूरित उर आनी?। मज्जन पान कियो कै सुरसरि कर्मनास जल छानी? ॥ पूछ सो प्रेम, बिरोध सींग सों एहिं बिचार हित-हानी। कीजै कान्ह-कुबरी सों नित नेह करम मन बानी ॥ तुलसी तजिय कुचालि आलि अब सुधरै सबइ नसानी। कै = किसने। आगे करि मधुकर मथुरा कहँ सोधिय सुदिन सयानी॥ 49॥

हे हम समाचार सब पाए। अब बिसेष देखे तुम्ह देखे हैं कूबरी कहाँ से लाए ॥ मथुरा बड़ो नगर नागर जन जिन्ह जातहिं जदन ु ाथ पढ़ाए। समुझि रहनि, सुनि कहनि बिरह ब्रन अनष अमिय औषध सरुहाए ॥ मधुकर रसिक सिरोमनि कहियत कौने यह रस-रीति सिखाए। बिनु आषर को गीत गाइ गाइ चाहत ग्वालिन ग्वाल रिझाए ॥ फल पहिले ही लह्यो ब्रजबासिन्ह, अघ साधन उपदेसन आए। तुलसी अलि, अजहूँ नहीं बूझत, कौन हेतु नँदलाल पठाए॥ 50॥

कौन सुनै अलि की चतुराई। अपनिहिं मतिबिलास अकास महँ चाहत सियनि चलाई ॥ सरल सुलभ हरिभगति सुखाकर निगम पुराननि गाई । तजि सोइ सुधा मनोरथ करि को मरिहै, री माई ॥ जद्यपि ताको सोइ मारग-प्रिय जाहि जहाँ बनि आई । सरुहाए = चंगा किया (?)। मैन के दसन, कुलिस के मोदक कहत सुनत बौराई ॥ सुगन छीरनिधि-तीर बसत ब्रज तिहुँ पुर बिदित बड़ाई। आक दहु न तुम्ह कह्मो सो परिहरि हम यह मति नहिं पाई ॥ जानत हैं जदन ु ाथ सबन की बुधि बिबेक जड़ताई। तुलसिदास जनि बकहि, मधुप सठ! हठ निसि दिन अँवराई॥ 51॥

गोकुल प्रीति नित नई जानि। जाइ अनत सुनाइ मधुकर ज्ञान-गिरा पुरानि ॥ मिलहिं जोगी जरठ तिन्हहि दिखाउ निरगुन-खानि। नवल नंदकुमार के ब्रज सगुन सुजस बखानि ॥ तू जो हम आदर्‌यो, सो तो नव कमल की कानि। तजहि तुलसी समुझि यह उपदेसिबे की बानि॥ 52॥

काहे को कहत बचन सँवारि। ज्ञानगाहक नाहिनै ब्रज मधुप अनत सिधारि ॥ जुगुति धूम बघारिबे की समुझिहैं न गँवारि। मैन = मोम। जोगिजन मुनिमंडली मों जाइ रीती ढारि ॥ सुनै तिन्ह की कौन तुलसी जिन्हहि जीति न हारि। सकति खारो कियो चाहत मेघहू को बारि॥ 53॥

ऐसे हौं हूँ जानति भृगं ! नाहिनै काहू लह्यो सुख प्रीति करि इक अंग ॥ कौन भीर जो नीरदहि जेहि लागि रटत बिहंग। मीन जल बिनु तलफि तनु, तजै, सलिल सहज असंग ॥ पीर कछू न मनिहि जाके बिरह-बिकल भुअंग। ब्याध-बिसिख बिलोक नहिं कलगान-लुबध ु कुरंग ॥ स्यामघन गुनबरि छबिमनि मुरलि-तान-तरंग। लग्यो मन बहु भाँति तुलसी होइ क्यों रसभंग?॥ 54॥

ऊधो! प्रीति करि निरमोहियन सों को न भयो दख ु दीन?। सनत समुझत कहत हम सब भई अति अप्रबीन ॥ अहि कुरंग पतंग पंकज चारु चातक मीन। बैठि इनकी पाँति अब सुख चहत मन मतिहीन ॥ निठु रता अरू नेह की गति कठित परति कही न। दास तुलसी सोच नित निज प्रेम जानि मलीन॥ 55॥

सुनत कुलिस सम बचन तिहारे। चित दै मधुर! सुनहु सोउ कारन जाते जात न प्रान हमारे ॥ ज्ञान कृपान समान लगत उर, बिहरत छिन-छिन होत निनारे। अविध जरा जोरति हठि पुरि-पुनि, याते रहत सहत दख ु भारे ॥ पावक बिरह, समीर स्वास, तनु-तूल मिले तुम्ह जारनिहारे। तिन्हहि निदरि अपने हित कारन राखत नयन निपुन रखवारे ॥ जीवन कठिन, मरन की यह गति, दस ु ह बिपति ब्रजनाथ निवारे। तुलसिदास यह दसा जानि जिय उचित होइ सो कहौ अलि, प्यारे॥ 56॥

छपद! सुनहु बर बचन हमारे। बिनु ब्रजनाथ ताप नयनन को कौन हरै, हरि अंतर-कारे॥ कनक-कंभ भुरि-भरि पियूष-जल बरषत सक्र कलप-सत हारे। कदलि सीप चातक को कारज-स्वाति बारि बिनु कोउ न सँवारे॥ सब अँग रुचिर किसोर स्यामघन जेहिं ह्यदि-जलज बसत हरि प्यारे। तेहि उर क्यों समात बिराट-बपु त्यों महि सरित सिंधु गिरि भारे॥ बढ़्यो अति प्रेम प्रलय के बट ज्यों बिपुल जोग जल बोरि न पारे। तुलसिदास ब्रज-बनितन को ब्रत समरथ को करि जतन निवारे॥ 57॥

मधुप! समुझि देखहु मन माहीं। प्रेम पियूषरूप उड़ु पति बिनु कैसे हो अलि! पैयत रबि पाहीं ॥ जद्यपि तुम हित लागि कहत सुनि स्रवन बचन नहीं हृदय समाहीं। मिलहिं न पावक महँ तुषार कन जो खोजत सत कल्प सिराहीं ॥ तुम कहि रहे, हमहु पचि हारी, लोचन हठी तजत हठ नाहीं। तुलसिदास सोइ जतन करहु कछु बारक स्याम इहाँ फिरि जाहीं॥ 58॥

मोको अब नयन भए रिपु माई! हरि-बियोग तनु तजेहि परम-सुख ए राखहिं सोइ है बरिआई ॥ बरु मन कियो बहुत हित मेरो बरहिं-बार काम दव लाई। बरषि नीर ये तबहिं बुझावहिं स्वारथ निपुन अधिक चतुराई ॥ ज्ञान परसु दै मधुप पठायो बिरह-बेलि कैसेहु कठिनाई। त्यों = सह, साथ। सो थाक्यो बरह्यो एकहि तक देखत इनकी सहज सिंचाई ॥ हारत हू न हारि मानत, सखि, सठ सुभाव कंदक ु की नाई। चातक जलज मीनहुँ ते भोरे समुझत नहिं उन्हकी निठु राई ॥ ये हठ-निरत दरस लालच-बस परे जहाँ बुधि-बल न बसाई। तुलसिदास इन्ह पर जो द्रवहिं हरि तौ पुनि मिलौं बैरु बिसराई॥ 59॥

कहा भयो कपट जुआ जौ हौं हारी। समर-धीर महाबीर पाँच-पति क्यों दैहै मोहि होन उघारी॥ राज-समाज सभासद समरथ भीषम द्रोन धर्म-धुर-धारी। अबला अनघ अनवसर अनुचित होति, हेरि करिहैं रखवारी॥ यों मन गुनति दसासन दुरजन तमक्यो तु कि गहि दुँह कर सारी। सकुचि गात गोवति कमठी ज्यों हहरी हृदय, बिकल भइ भारी॥ अपनेनि को अपनो बिलोकि बल सकल आस बिस्वास बिसारी। हाथ उठाइ अनाथनाथ सों ‘पाहि पाहि प्रभु, पाहि’ पुकारी॥ तुलसी परखि प्रतीति प्रीति गति आरतपाल कृपाल मुरारी। बसन-बेष राखी बिसेषि लखि बिरुदावलि मूरति नर-नारी॥ 60॥

गहगह गगन दंदुभी बाजी। बरषि सुमन सुरगन गावत जस हरष मगन मुनि सुजन समाजी॥ सानुज सगन ससचिव सुजोधन भए मुख मलिन खाइ खल खाजी। लाज गाज उनवनि कुचाल कलि परी बजाइ कहूँ कहूँ गाजी॥ प्रीति प्रतीति द्रुपदतनया की भली भूरि भय भभरि न भाजी। कहि पारथ-सारथिहि सराहत गई-बहोरि गरीब-नेवाजी॥ सिथिल-सनेह मुदित मनहीं मन बसन बीच बीच बधू बिराजी। सभासिंधु जदपुति जय जय जनु रमा प्रगटि त्रिभुवन भरि भ्राजी॥ जुग जुग जग साके के सव के समन कलेस कुसाज सुसाजी। तुलसी को न होइ सुनि कीरति कृष्णकृपालु-भगति पथ राजी?॥ 61॥